ஞானசார தேரருக்கு சிறை : காவல்துறை மா அதிபர் மீதான நடவடிக்கை என்ன..! நாமல் ராஜபக்ச கேள்வி
காவல்துறை மா அதிபர் பிரியந்த வீரசூரியவுக்கு எதிராக என்ன நடவடிக்கை எடுக்கப்படப் போகிறது என்று, சிறிலங்கா பொதுஜன பெரமுனவின் (SLPP) தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச இன்று கேள்வி எழுப்பியுள்ளார்.
காவல்துறை மா அதிபர் மற்றும் கலகொட அத்தே ஞானசார தேரர் ஆகிய இருவர் சம்பந்தப்பட்ட விவகாரங்களிலும் சட்டம் சமமாகவே நடைமுறைப்படுத்தப்பட வேண்டும் என்று அவர் வலியுறுத்தினார்.
காவல்துறை மா அதிபர் மீது என்ன நடவடிக்கை
நாடாளுமன்றத்தில் உரையாற்றிய நாமல் ராஜபக்ச, நீதிமன்ற உத்தரவை அவமதித்ததாகவும், அப்பாவி மக்கள் மீது வழக்குத் தொடர்வது தொடர்பான விவகாரத்தில் நீதிமன்றத்திற்குத் தவறான தகவல்களை வழங்கியதாகவும் குற்றம் சாட்டப்பட்டுள்ள காவல்துறை மா அதிபர் மீது என்ன நடவடிக்கை எடுக்கப்படப் போகிறது என்பதை மக்கள் எதிர்பார்த்துக் கொண்டிருப்பதாகக் குறிப்பிட்டார்.
"விடுதலைபுலிகள் (LTTE) அமைப்புடன் தொடர்புடைய நபர் ஒருவர் குறித்து கருத்து வெளியிட்டதற்காக, ஞானசார தேரர் நீதிமன்ற அவமதிப்பு வழக்கில் குற்றவாளியாகக் காணப்பட்டார். அதேவேளையில், அப்பாவி மக்கள் மீது பொய்யான குற்றச்சாட்டுகளைச் சுமத்தி வழக்குத் தொடரக்கூடாது என்ற நீதிமன்ற உத்தரவைப் புறக்கணித்து, நீதிமன்றத்திற்குத் தவறான தகவல்களை வழங்கிய காவல்துறை மா அதிபருக்கு என்ன நேரிடப் போகிறது என்பதை நாங்கள் இப்போது கவனித்துக் கொண்டிருக்கிறோம்" என்று அவர் கூறினார்.
சட்டம் அனைவருக்கும் சமமானது
சட்டம் அனைவருக்கும் சமமானது என்று அரசாங்கம் உறுதியளித்துள்ள நிலையில், இந்த இரு விவகாரங்களிலும் ஒரே மாதிரியான சட்ட நடைமுறைகள் பின்பற்றப்படுமா என்று நாமல் ராஜபக்ச கேள்வி எழுப்பினார்.
"சட்டம் அனைவருக்கும் சமமானது என்று ஜனாதிபதி கூறியுள்ளார். எனவே, காவல்துறை மா அதிபருக்கு என்ன நடக்கப்போகிறது என்பதை நாங்கள் பொறுத்திருந்து பார்க்கிறோம்" என்று அவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024