வெளிநாட்டுப் பயணத் தடையை நீக்கக் கோரி நீதிமன்றத்தை நாடிய கோட்டாபய

முன்னாள் ஜனாதிபதி கோட்டாபய ராஜபக்சவுக்கு எதிராக கோட்டை நீதவான் நீதிமன்றத்தினால் விதிக்கப்பட்டுள்ள வெளிநாட்டுப் பயணத் தடையை நீக்குமாறு கோரி, அவர் அதே நீதிமன்றத்தில் மனுவொன்றைத் தாக்கல் செய்துள்ளார்.

சிங்கப்பூரில் இதய அறுவை சிகிச்சை செய்துகொண்ட பின்னர் மேற்கொள்ள வேண்டிய தொடர் மருத்துவச் சிகிச்சைகளைப் பெற்றுக்கொள்வதற்காக அங்கு செல்ல வேண்டியுள்ளதாக கூறி அவர் இதனை தெரிவித்துள்ளார்.

இதற்கமைய தமக்கு விதிக்கப்பட்டுள்ள வெளிநாட்டுப் பயணத் தடையை நீக்குமாறு கோரி முன்னாள் ஜனாதிபதி இந்த மனுவைத் தாக்கல் செய்துள்ளார்.

ஈஸ்டர் தாக்குதல் நடந்திருக்காவிட்டால் கோட்டாபய என்ற ஜனாதிபதியே இல்லை!

உயிர்த்த ஞாயிறு தின பயங்கரவாதத் தாக்குதல்

உயிர்த்த ஞாயிறு தின பயங்கரவாதத் தாக்குதலைத் தடுத்து நிறுத்தத் தவறியமை தொடர்பான வழக்குடன் சம்பந்தப்பட்டு, சுமார் நான்கு மாதங்களுக்கு முன்னர் கோட்டை நீதவான் நீதிமன்றத்தினால் அவருக்கு வெளிநாட்டுப் பயணத் தடை விதிக்கப்பட்டிருந்தது.

முன்னதாக உயிர்த்த ஞாயிறு பயங்கரவாதத் தாக்குதல் தொடர்பான விசாரணைகளின் அடிப்படையில், பயங்கரவாதத் தடுப்புச் சட்டத்தின் கீழ் தம்மைக் கைது செய்வதைத் தடுக்கும் உத்தரவைப் பிறப்பிக்கக் கோரி கடந்த 9 ஆம் திகதியும் அவரால் மனு தாக்கல் செய்யப்பட்டது.

எனினும், அந்த மனுவை நிராகரித்து மேன்முறையீட்டு நீதிமன்றம் உத்தரவிட்டிருந்தமை குறிப்பிடத்தக்கது. 

ஈஸ்டர் தாக்குதல் விவகாரத்தில் விரைவில் கைதாகப்போகும் கோட்டாபய! நீதிமன்றத்தில் அம்பலமான தகவல்