இராணுவ வீரர்களுக்கான கடமையை செய்ய தவறியது இலங்கை அரசாங்கம் : சஜித் குற்றசாட்டு

Sri Lanka Army Sajith Premadasa Government Of Sri Lanka

By Shalini Balachandran May 20, 2024 03:24 AM GMT

Shalini Balachandran

in சமூகம்

Report

அரசாங்கம் இராணுவத்தினருக்கு கடமையை செய்ய தவறியதால்தான் அவர்கள் ரஷ்ய யுத்தக்களத்தில் முன்னணியில் உயிரிழக்க வேண்டிய நிலை ஏற்பட்டுள்ளதாக எதிர்க்கட்சித் தலைவர் சஜித் பிரேமதாச குற்றம் சுமத்தியுள்ளார்.

குறித்த தகவலை காலி நெலுவ பிரதேசத்தில் நிகழ்வொன்றில் கலந்துகொண்டு உரையாற்றுகையிலேயே அவர் குறிப்பிட்டுள்ளார்.

இது தொடர்பாக அவர் மேலும் தெரிவிக்கையில், “முப்பது வருட கால பயங்கரவாத யுத்தத்தை வெற்றிகொண்டதன் பின்னர் இராணுவ சமூகத்துக்கு செய்யவேண்டிய முறையான கடமை மேற்கொள்ளப்பட்டுள்ளதா என்பதை மீண்டும் சிந்தித்து பார்க்க வேண்டும்.

பொருளாதார சமூக நெருக்கடி

இராணுவ வீரர்களும் அவர்களின் குடும்பத்தினரும் பாரிய கஷ்டத்துக்கு ஆளாகி இருப்பதுடன் தாங்கிக்கொள்ள முடியாத பொருளாதார சமூக நெருக்கடிக்கும் முகம்கொடுத்து வருகின்றனர்.

sajith

நாட்டுக்காக தங்களின் உயிரை பணயம் வைத்து அரப்பணித்த இராணு வீரர்கள் பொருளாதார நெருக்கடிக்கு ஆளாகி, அவர்கள் எதிர்பார்த்த நிவாரணங்கள் இல்லாமல் போனதால் இராணுவ வீரர்கள் வறுமை கோட்டின் கீழ் மட்டத்துக்கு சென்றுள்ளனர்.

நிவாரணங்கள் மற்றும் சிறப்புரிமை

அதனால் அவர்கள் வேறு வருமான வழிகளை தேடி வெளிநாடுகளுக்கு சென்றுள்ளனர் அத்தோடு வேறு சிலர் ரஷ்யாவுக்கு சென்று அங்கு யுத்த களத்தின் முன்வரிசைக்கு செல்லவேண்டிய நிலை ஏற்பட்டுள்ளது.

srilanka army russia

இவ்வாறு ரஷ்யாவில் யுத்த களத்தில் ஈடுபட்டிருந்தவர்களில் அதிகமானவர்கள் அங்கு உயிரிழந்துள்ள நிலையில் அரசாங்கம் இராணு வீரர்களுக்கு செய்ய வேண்டிய கடமையை சரியான முறையில் செய்ய தவறியமையே இதற்கு காரணமாகும்.

அதனால் ஐக்கிய மக்கள் சக்தி அரசாங்கத்தில் இராணு வீரர்களுக்கு வழங்கவேண்டிய அனைத்து நிவாரணங்கள் மற்றும் சிறப்புரிமைகளை பெற்றுக்கொடுப்போம்” என அவர் தெரிவித்துள்ளார்.