விடுவிக்கப்படவுள்ள கைதிகள்! அரசாங்கம் வெளியிட்டுள்ள தகவல்

Sri Lankan Peoples Sri Lanka Police Investigation Department of Prisons Sri Lanka Prisons in Sri Lanka

By Dhilak Jul 12, 2026 02:32 PM GMT

Dhilak

in சமூகம்

Report

நாட்டின் சிறை அமைப்பில் நிலவும் கடுமையான நெரிசலைக் குறைக்கும் பொருட்டு, 70 வயதுக்கு மேற்பட்ட கைதிகளையும், விசாரணைக் கைதிகளையும் விடுவிப்பது குறித்து அரசாங்கம் ஆராய்ந்து வருவதாக, பொதுப் பாதுகாப்புத் துறை பிரதி அமைச்சரும் சட்டத்தரணியுமான சுனில் வடகல தெரிவித்துள்ளார்.

சிறை நெரிசலைக் குறைக்க எடுக்கக்கூடிய நடவடிக்கைகள் குறித்து அரசாங்கம் நடத்திய உள்ளகக் கலந்துரையாடலின் போது இந்த முன்மொழிவு முன்வைக்கப்பட்டதாக தெரிவிக்கப்படுகிறது.

தற்போது நாட்டில் உள்ள சிறைகளில் 70 வயதுக்கு மேற்பட்ட 1,000-க்கும் மேற்பட்ட கைதிகள் இருப்பது கண்டறியப்பட்டுள்ளது.

முக்கிய காரணம்

இதேவேளை, கொலை போன்ற கடுமையான குற்றங்களில் ஈடுபடாத முதிய கைதிகளை விடுவிப்பதில் அரசாங்கம் கவனம் செலுத்தி வருகிறது.

விடுவிக்கப்படவுள்ள கைதிகள்! அரசாங்கம் வெளியிட்டுள்ள தகவல் | Govt To Release Prisoners Over The Age Of 70

கூடுதலாக, போதைப்பொருள் வழக்குகளில் விசாரணைக் கைதிகளாக உள்ள நபர்களின் பகுப்பாய்வாளர் அறிக்கைகளைப் பெறுவதில் ஏற்படும் கடுமையான தாமதமும் சிறை நெரிசல் அதிகரிப்பதற்கான ஒரு முக்கிய காரணமாக கண்டறியப்பட்டுள்ளது.

சிறிய அளவிலான போதைப்பொருட்களை வைத்திருந்ததற்காக சிலர் ஒன்றரை ஆண்டுகளுக்கும் மேலாக விசாரணைக் கைதிகளாக வைக்கப்பட்டுள்ளதாகவும், இதற்குக் காரணம் பகுப்பாய்வாளர் திணைக்களத்தில் உள்ள அதிகாரிகளின் கடுமையான பற்றாக்குறையே என்றும் தெரியவந்துள்ளது.