நெருக்கடியில் இருந்து மீண்டெழ பக்கபலமாகும் ஜி.எஸ்.பி. பிளஸ்
ஜி.எஸ்.பி. பிளஸ் வரிச் சலுகையானது இலங்கை தற்போதைய நெருக்கடியில் இருந்து மீண்டெழ பக்கபலமாகவும் உதவியாகவும் இருக்குமென ஐரோப்பிய ஒன்றியத்தின் இலங்கைக்கான தூதுவர் கிரேஸ் ஆசிர்வாதம் தெரிவித்துள்ளார்.
அதேநேரம், இலங்கையின் பொருளாதார வளர்ச்சிக்கும், ஜி.எஸ்.பி. பிளஸ் வரி சலுகை உதவும் என அவர் கூறியுள்ளார்.
பிரஸல்ஸில் உள்ள ஐரோப்பிய ஒன்றியத்துக்கான இலங்கை தூதரகத்தின் “இலங்கையின் நண்பர்கள்“ என்ற சினேகப்பூர்வ இரவு விருந்துபசார நிகழ்வு நடைபெற்றுள்ளது.
இதில் ஐரோப்பிய நாடாளுமன்ற உறுப்பினர்கள் உள்ளிட்ட பலர் கலந்துக்கொண்டனர்.
ஐரோப்பிய ஒன்றியத்தின் ஆதரவு
இதன்போது வெளிநாட்டு மற்றும் உள்நாட்டு கடன் மறுசீரமைப்பு, சுற்றுலா, ஏற்றுமதி, முதலீட்டு ஊக்குவிப்பு மற்றும் நாட்டை பொருளாதார சுபீட்சத்தை நோக்கி இட்டுச் செல்வதற்கான இலங்கையின் முயற்சிகள் தொடர்பில் இலங்கை தூதுவர் எடுத்துரைத்துள்ளார்.
அத்துடன் சவாலான காலங்களில் இலங்கைக்கு ஐரோப்பிய ஒன்றியத்தின் உறுதியான ஆதரவு மற்றும் உதவிகளுக்கும் ஐரோப்பிய ஒன்றியம் வழங்கிய ஆதரவுக்கும் தூதுவர் பாராட்டு தெரிவித்தார்.
மேலும் அடுத்த தசாப்தத்திற்கான ஐரோப்பிய ஒன்றியத்தின் ஜி.எஸ்.பி பிளஸ் சலுகை புதிய ஒழுங்குமுறை தொடர்பான விவாதங்கள் ஐரோப்பிய நாடாளுமன்றத்தில் நடைபெற்று வரும் நிலையில், இலங்கையின் பொருளாதார மீட்சி மற்றும் வளர்ச்சிக்கான பயணத்திற்கு ஆதரவளிக்கும் வகையில் ஜி.எஸ்.பி பிளஸ் பிளஸ் வரிச்சலுகைகளை தொடர வேண்டியதன் முக்கியத்துவத்தை தூதுவர் ஆசிர்வாதம் வலியுறுத்தியுள்ளார்.
அத்துடன் சுற்றாடல் நிலைத்தன்மை மற்றும் காலநிலை நடவடிக்கைகளுக்கான இலங்கையின் உறுதியான அர்ப்பணிப்பு குறித்தும் அவர் விளக்கமளித்தார்.
நிகர பூஜ்ஜிய கார்பன் வெளியேற்றம்
2050 ஆம் ஆண்டளவில் நிகர பூஜ்ஜிய கார்பன் வெளியேற்றத்தை அடைவதற்கான இலங்கையின் இலட்சிய இலக்கை அவர் மீண்டும் வலியுறுத்தினார்.
மேலும் காடுகளை விரிவுபடுத்துவதற்கும் புதுப்பிக்கத்தக்க எரிசக்தியை உருவாக்கும் இலங்கையின் முயற்சிகளையும் தூதுவர் ஆசிர்வாதம் எடுத்துரைத்தார்.
YOU MAY LIKE THIS
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024