இஸ்மாயில் ஹனியே படுகொலை : இஸ்ரேலின் தகவலை முற்றாக மறுத்த ஹமாஸ்

Israel Iran Israel-Hamas War

By Jaso Dec 29, 2024 10:10 PM GMT

Jaso

in உலகம்

Report

ஈரான்(iran) தலைநகர் தெஹ்ரானில் வைத்து தமது அமைப்பின் அரசியல் பணியகத்தின் முன்னாள் தலைவரான இஸ்மாயில் ஹனியே(Ismail Haniyeh) படுகொலை செய்யப்பட்ட முறை தொடர்பாக இஸ்ரேல் (israel_வெளியிட்ட தகவல்களை ஹமாஸ் அமைப்பு முற்றாக நிராகரித்துள்ளது.

ஞாயிற்றுக்கிழமை வெளியிடப்பட்ட அதன் அறிக்கையில், ஹமாஸ், இஸ்ரேலிய ஆட்சியால் வெளியிடப்பட்ட அனைத்து கட்டுக்கதைகளையும், குறிப்பாக இஸ்மாயில் ஹனியேவை இலக்காகக் கொண்ட நடவடிக்கையின் விவரங்கள் என்று கூறப்படுவதையும் திட்டவட்டமாக மறுத்தது.

வெடிகுண்டு வைத்து படுகொலை

ஈரான் ஜனாதிபதி மசூத் பெசெஷ்கியானின் பதவியேற்பு விழாவில் கலந்துகொண்ட ஹனியே தெஹ்ரானுக்கு விஜயம் செய்தபோது ஈரானிய விருந்தினர் மாளிகையில் அவரது அறையில் வெடிகுண்டு வைத்து படுகொலை செய்யப்பட்டதாக இஸ்ரேல் குற்றம் சாட்டியதாக ஹமாஸ் மேலும் தெளிவுபடுத்தியது.

இஸ்மாயில் ஹனியே படுகொலை : இஸ்ரேலின் தகவலை முற்றாக மறுத்த ஹமாஸ் | Hamas Denies Israeli Claims Assassination Haniyeh

ஈரானின் இறையாண்மையை அப்பட்டமாக மீறும் செயல்

ஹமாஸ் அதன் பாதுகாப்பு எந்திரம் மற்றும் ஈரானிய அதிகாரிகளின் கூட்டு விசாரணையில், 7.5 கிலோ வெடிபொருட்களைக் கொண்ட வழிகாட்டப்பட்ட ஏவுகணையைப் பயன்படுத்தி, குறிப்பாக ஹனியேவின் மொபைல் ஃபோனை குறிவைத்து, படுகொலை செய்யப்பட்டதாக தெரியவந்துள்ளது.

இஸ்ரேலிய ஆட்சியின் கூற்றுக்கள், ஈரானின் இறையாண்மையை அப்பட்டமாக மீறும் இந்த பன்முகக் குற்றத்திலிருந்து பொதுமக்களின் கவனத்தைத் திசைதிருப்பும் அவநம்பிக்கையான முயற்சி என்று அந்த அறிக்கை வலியுறுத்தியது.