கதறக் கதற காதலியை இழுத்துச் சென்ற ஹமாஸ் : நம்பிக்கையுடன் காத்திருக்கும் காதலன் (காணொளி)

இஸ்ரேலில் பணயக் கைதியாக பிடித்த தனது காதலியை ஹமாஸ் அமைப்பு மோட்டார் சைக்கிளில் இழுத்துச் சென்ற போதிலும் அவள் மீண்டும் திரும்பி வருவாள் என்ற நம்பிக்கையுடன் வழி மேல் விழி வைத்து காத்திருக்கிறார் காதலனான ஆலன்.

இவ்வாறு ஹமாஸ் அமைப்பால் பிணைக்கைதியாக பிடித்து செல்லப்பட்டவர் இஸ்ரேலின் ஹைபா நகரை சேர்ந்த ஓவிய மாணவியான ஹைமன் (வயது 27) என்பவராவார்.

மோட்டார் சைக்கிளில் பிடித்து இழுத்து சென்றனர்

இஸ்ரேலில் இடம்பெற்ற இசை திருவிழாவின்போது தன்னார்வலராக கலந்து கொண்ட அவர், ஹமாஸ் தாக்குதலின்போது மற்றவர்களோடு சேர்ந்து தப்பிச் செல்ல முயன்றார். ஆனால், ஹைமனை ஹமாஸ் அமைப்பினர் பிடித்து விட்டனர். அவருடைய 2 நண்பர்கள் இதில் தப்பி விட்டனர்.

சுற்றுலா பயணிகளுக்கு விடுக்கப்பட்ட எச்சரிக்கை

இதுபற்றிய காணொளி ஒன்றும் வெளியானது. அதில், மோட்டார் சைக்கிளில் வந்த ஹமாஸ் அமைப்பினர் அவரை பிடித்து இழுத்தபடி சென்றனர். இந்த காணொளி வைரலானதும், காதலியை மீட்க வேண்டும் என்ற நோக்கத்தில் அவருடைய காதலர் நோவாம் ஆலன் (வயது 24) அதிகாரிகளை விடாமல் சந்தித்து பேசி வருகிறார்.

விடுதலைப் புலிகளின் தங்கத்தை தேடும் பணி தீவிரம்!

ஆலன் கூறும்போது, அவர்களிடம் நான் கேட்பதெல்லாம், இரக்கம் காட்டுங்கள். அவளை உயிருடன் வைத்திருங்கள். அதிகம் எதிர்பார்க்கவில்லை. அவர்கள் மனிதர்களாக இருக்க வேண்டும். பணய கைதிகளுக்கு உணவு, நீர் மற்றும் மருந்துகளை கொடுங்கள். கவனம் செலுத்துங்கள் என வேண்டுகோளாக கூறியுள்ளார்.

அவர்கள் திரும்ப வேண்டும்

பணய கைதிகள் மீட்புக்கே இஸ்ரேல், இங்கிலாந்து அரசுகள் முன்னுரிமை கொடுக்க வேண்டும். அதுவே மிக அவசியம். எந்தவொரு இராணுவ நடவடிக்கை அல்லது தரைவழி தாக்குதலுக்கு முன்பும் அவர்கள் திரும்ப வேண்டும் என்று ஆலன் கேட்டு கொண்டுள்ளார்.

நிச்சயம் அவள் திரும்பி வருவாள். ஆனால், முடிந்தவரை நாமும் அவள் திரும்புவதற்கான எல்லா விசயங்களையும் செய்ய வேண்டும் என்றும் கூறியுள்ளார்.  

இந்தியாவிற்கு எதிராக சீனாவின் நகர்வு : பென்டகன் விடுத்துள்ள எச்சரிக்கை