தனது புதிய தலைவரை அறிவித்தது ஹமாஸ் அமைப்பு!
2024 ஒக்டோபரில் இஸ்ரேலிய இராணுவத்தால் கொல்லப்பட்ட யஹ்யா சின்வாருக்குப் பதிலாக, கலீல் அல்-ஹய்யாவை ஹமாஸ் அமைப்பு தனது புதிய தலைவராக அறிவித்துள்ளது.
பாலஸ்தீனியக் குழுவின் முன்னாள் துணைத் தலைவரும், அதன் தலைமை மன்றத்தின் ஐந்து உறுப்பினர்களில் ஒருவருமான அல்-ஹய்யா, ஹமாஸின் முன்னாள் அரசியல் தலைவர் காலித் மெஷாலுக்கு எதிராக நடத்தப்பட்ட உட்கட்சி வாக்கெடுப்பின் இறுதிச் சுற்றில் வெற்றி பெற்றுள்ளதாக அந்த அமைப்பு திங்கட்கிழமை வெளியிட்ட அறிக்கையில் தெரிவித்துள்ளது.
2024 ஆம் ஆண்டில் காசாவில் ஹமாஸின் உயர்மட்டத் தலைவர்களான சின்வார், இராணுவத் தளபதி முகமது தெய்ஃப் மற்றும் அதே ஆண்டில் தெஹ்ரானில் வைத்து படுகொலை செய்யப்பட்ட இஸ்மாயில் ஹனியே ஆகியோரின் மரணங்களைத் தொடர்ந்து அல்-ஹய்யாவின் முக்கியத்துவம் கணிசமாக அதிகரித்ததாக கூறப்படுகிறது.
ஐந்து தலைவர்களில் ஒருவர்
இந்த இழப்புகளைத் தொடர்ந்து, போர்க்காலத்தில் குழுவை வழிநடத்துவதற்காக 2024 இன் பிற்பகுதியில் தற்காலிகமாக உருவாக்கப்பட்ட ஐந்து உறுப்பினர்களைக் கொண்ட ஆளும் குழுவான தலைமை மன்றத்தை வழிநடத்தும் ஐந்து தலைவர்களில் ஒருவராக இவர் பொறுப்பேற்றுள்ளார்.
Image Credit: JNS.org
1960 இல் காசா பகுதியில் பிறந்த அல்-ஹய்யா, 1987 இல் ஹமாஸ் இயக்கம் நிறுவப்பட்டதிலிருந்து அதன் முக்கிய உறுப்பினராக இருந்து வருவதாக கூறப்படுகிறது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
