மேலும் ஆறு பணய கைதிகளை விடுதலை செய்யும் ஹமாஸ்

World Israel-Hamas War Gaza

By Shalini Balachandran Feb 18, 2025 07:58 PM GMT

Shalini Balachandran

in உலகம்

Report

போர் நிறுத்த ஒப்பந்தப்படி இஸ்ரேலிய (Israel) பணய கைதிகளில் மேலும் ஆறு பேரை ஹமாஸ் (Hamas) வடுதலை செய்யவுள்ளதாக ஊடகங்கள் செய்தி வெளியிட்டுள்ளன.

இஸ்ரேல் மற்றும் ஹமாஸ் இடையே ஓராண்டாக நீடித்து வந்த போர் தற்காலிகமாக நிறுத்தப்பட்டுள்ளது.

இதனிடையே, போர் நிறுத்த ஒப்பந்த அடிப்படையில் ஹமாஸ் தங்கள் வசம் உள்ள இஸ்ரேலிய பணய கைதிகளை விடுதலை செய்ய ஒப்புக்கொண்டது.

தற்காலிக போர்

பணய கைதிகளுக்கு ஈடாக இஸ்ரேல் தங்கள் நாட்டு சிறைகளில் உள்ள பலஸ்தீனிய கைதிகளை விடுதலை செய்ய ஒப்புக்கொண்டுள்ளது.

போர் நிறுத்தத்தின் முதற்கட்டமாக ஆறு வாரங்களில் (42 நாட்கள்) 33 பணய கைதிகளை விடுதலை செய்ய ஹமாஸ் ஒப்புக்கொண்டது.

மேலும் ஆறு பணய கைதிகளை விடுதலை செய்யும் ஹமாஸ் | Hamas To Release 6 Israeli Hostages

33 பணய கைதிகளுக்கு ஈடாக தங்கள் நாட்டு சிறைகளில் உள்ள பாலஸ்தீனியர்கள் 1,904 பேரை இஸ்ரேல் விடுதலை செய்கிறது.

பணய கைதிகள் 33 பேரில் சிலர் உயிரிழந்துள்ளதாக ஹமாஸ் தெரிவித்துள்ள நிலையில், ஆறு வார போர் நிறுத்தம் நடைமுறையில் உள்ள நிலையில் இதுவரை இஸ்ரேலிய பணய கைதிகளில் 24 பேரை ஹமாஸ் விடுதலை செய்துள்ளது.

அதற்கு ஈடாக இதுவரை பாலஸ்தீனியர்கள் 1,099 பேரை இஸ்ரேல் விடுதலை செய்துள்ளது..

இஸ்ரேலிய பிணைக்கைதிகள்

காசாவில் இன்னும் 73 இஸ்ரேலியர்கள் பணய கைதிகளாக உள்ளதாகவும், இதில் 36 பேர் உயிரிழந்திருக்கலாம் எனவும் இஸ்ரேல் தெரிவித்துள்ளது.

இந்தநிலையில், போர் நிறுத்த ஒப்பந்தப்படி இஸ்ரேலிய பணய கைதிகளில் மேலும் 6 பேரை ஹமாஸ் ஆயுதக்குழு வரும் சனிக்கிழமை விடுதலை செய்யவுள்ளது.

மேலும் ஆறு பணய கைதிகளை விடுதலை செய்யும் ஹமாஸ் | Hamas To Release 6 Israeli Hostages

அத்தோடு, தங்கள் பிடியில் உள்ள பணய கைதிகளில் கொல்லப்பட்ட நான்கு இஸ்ரேலியர்களின் உடல்களையும் ஹமாஸ் ஆயுதக்குழு வரும் வியாழக்கிழமை இஸ்ரேலிடம் ஒப்படைக்கிறது.

இதற்கு ஈடாக இஸ்ரேல் தங்கள் நாட்டு சிறைகளில் உள்ள 300 இற்கும் மேற்பட்ட பலஸ்தீனிய கைதிகளை விடுதலை செய்கின்றது.

மேலும், காசாவுக்குள் தற்காலிக தங்கும் குடியிருப்புகள் மற்றும் கனரக வானங்களையும் அனுமதிக்கின்றமை குறிப்பிடத்தக்கது.