துப்பாக்கிகளுடன் கைதானவருடன் தொடர்பு : முற்றாக மறுக்கும் எதிரணி எம்.பி

கொழும்பு குற்றப் புலனாய்வுப் பிரிவினரால் (CCD) துப்பாக்கிகளுடன் கைது செய்யப்பட்ட ஒரு நபருக்கும் தனக்கும் தொடர்பு இருப்பதாக ஊடகங்களில் வெளியான செய்திகளை எதிர்க்கட்சி நாடாளுமன்ற உறுப்பினர் ஹர்ஷன ராஜகருணா கண்டித்துள்ளார். இந்தச் சம்பவத்துடன் தனக்கு எந்தத் தொடர்பும் இல்லை என்று அவர் தெளிவுபடுத்தியுள்ளார். 

நேற்று ஞாயிற்றுக்கிழமை (18) வெளியிட்ட அறிக்கையில், கம்பகா மாவட்ட நாடாளுமன்ற உறுப்பினரான அவர், அரசாங்கத்துடன் தொடர்புடைய ஒரு செய்தி நிறுவனத்தின் சமூக ஊடகக் கணக்கு உட்பட சில ஊடகங்கள், கைது செய்யப்பட்ட நபருக்கும் தனக்கும் தொடர்பு இருப்பதாகச் சித்தரிக்கும் வகையில் செய்திகளை வெளியிட்டதாகக் குறிப்பிட்டுள்ளார்.

எம்.பிக்களுக்கான துப்பாக்கியை கூட பெறவில்லை

  இந்த விவகாரம் குறித்து விளக்கமளித்த ராஜகருணா, தான் தனது குடும்பத்தில் மூன்று சகோதரிகளுக்கு ஒரே சகோதரர் என்றும், தனக்குச் சகோதரர்கள் எவரும் இல்லை என்றும் தெரிவித்தார்.

ஒரே குடும்பப் பெயரை (surname) கொண்ட ஒரு நபர் செய்யும் குற்றத்திற்கு, அதே பெயரைப் கொண்ட அனைவரும் பொறுப்பாக முடியுமா என்று அவர் கேள்வி எழுப்பினார்.

மேலும், கடந்த 11 ஆண்டுகளாக நாடாளுமன்ற உறுப்பினராகப் பணியாற்றி வரும் தான், நாடாளுமன்ற உறுப்பினர்களுக்கு வழங்கப்படும் துப்பாக்கியைப் பெற்றுக்கொள்ளவில்லை என்று அவர் கூறினார். தனது மறைந்த தந்தை சரத் சந்திர ராஜகருணாவும் ஒருபோதும் துப்பாக்கியை வைத்திருந்ததில்லை என்று அவர் குறிப்பிட்டார்.

ஞானசாரதேரருக்கு பொதுமன்னிப்பு : நான் தவறாக வழி நடத்தப்பட்டேன் :மன்னிப்பு கோரினார் மைத்திரி

 ஊடக நிறுவனங்களுக்கு எதிராகச் சட்ட நடவடிக்கை

தனது நற்பெயருக்கு அரசியல் ரீதியாகக் களங்கம் விளைவிக்கும் நோக்கில், தனக்கு எந்தத் தொடர்பும் இல்லாத ஒரு சம்பவத்துடன் சில ஊடகங்கள் வேண்டுமென்றே தனது பெயரை இணைத்துள்ளதாக ராஜகருணா குற்றம் சாட்டினார்.

இத்தகைய செய்திகளை வெளியிட்ட ஊடக நிறுவனங்களுக்கு எதிராகச் சட்ட நடவடிக்கைகளை மேற்கொள்ளுமாறு தனது வழக்கறிஞர்களிடம் அறிவுறுத்தியுள்ளதாக அவர் தெரிவித்தார்.

மேலும், அரசாங்கத்தின் மீது அதிகரித்து வரும் சமூக அழுத்தம் மற்றும் விமர்சனங்களிலிருந்து பொதுமக்களின் கவனத்தைத் திசைதிருப்பவே, தேசிய மக்கள் சக்தி (NPP) அரசாங்கம் இத்தகைய செயல்களில் ஈடுபடுவதாகவும் அவர் குற்றம் சாட்டினார். 

இடமாற்றப்பட்ட ஷிரந்தி ராஜபக்ச: மகிந்த ராஜபக்ச தரப்பு தெரிவிப்பு