ஹட்டனிலிருந்து யாழிற்கு புதிய நேரடி பேருந்து சேவை ஆரம்பம்!

Sri Lanka Srilanka Bus Sri Lanka Transport Board

By Shalini Balachandran Nov 06, 2026 05:41 AM GMT

Shalini Balachandran

in சமூகம்

Report

ஹட்டனிலிருந்து யாழ்ப்பாணம் வரை இலங்கை போக்குவரத்துச் சபையின் புதிய பேருந்து சேவை ஆரம்பமாகியுள்ளது.

குறித்த பேருந்து சேவை நேற்று (05-11-2026) முதல் நடைமுறைப்படுத்தப்பட்டுள்ளது.

ஹட்டன் – டிக்கோயா நகர சபைத் தலைவர் அசோக கருணாரத்னவினால் இந்தப் புதிய பேருந்து சேவை உத்தியோகபூர்வமாக ஆரம்பித்து வைக்கப்பட்டது.

போக்குவரத்துச் சபை

ஹட்டன் இ.போ.ச. டிப்போவும், காரைநகர் இ.போ.ச. டிப்போவும் இணைந்து இந்த பேருந்து சேவையை முன்னெடுக்கின்றன.

ஹட்டனிலிருந்து யாழிற்கு புதிய நேரடி பேருந்து சேவை ஆரம்பம்! | Hatton To Jaffna New Sltb Bus Service Begins

இதனடிப்படையில் தினமும் பிற்பகல் 3.00 மணிக்கு ஹட்டன் பேருந்து நிலையத்திலிருந்து யாழ்ப்பாணம் நோக்கி பேருந்து புறப்படும்.

அதேவேளை, யாழ்ப்பாணத்திலிருந்து ஹட்டன் நோக்கி பிற்பகல் 4.45 மணிக்கு மற்றைய பேருந்து சேவை ஆரம்பிக்கப்படவுள்ளது.

பேருந்து சேவை

இந்த பேருந்து சேவைக்கான ஆசனங்களை முன்கூட்டியே ஒதுக்கிக்கொள்ளும் வசதியும் பயணிகளுக்கு வழங்கப்படுமென ஹட்டன் இ.போ.ச. டிப்போ முகாமையாளர் பாலித வீரசூரிய தெரிவித்துள்ளார்.

புதிய பேருந்து சேவையின் முதலாவது பயணத்தில் யாழ்ப்பாணம் நோக்கிச் செல்வதற்காக அதிகளவான பயணிகள் திரண்டிருந்தனர்.

தீபாவளிப் பண்டிகைக் காலத்தில் ஹட்டனிலிருந்து யாழ்ப்பாணத்துக்கான நேரடி இ.போ.ச. பேருந்து சேவை ஆரம்பிக்கப்பட்டுள்ளமை மகிழ்ச்சியளிப்பதாகப் பிரதேச மக்கள் தெரிவித்துள்ளனர்.

இதேவேளை, புதிய பேருந்து சேவையை ஆரம்பிப்பதற்கு முன்னதாக ஹட்டன் இ.போ.ச. டிப்போ முகாமையாளர் உள்ளிட்ட ஊழியர்கள், பேருந்தின் சாரதி மற்றும் நடத்துனர் ஆகியோர் இணைந்து டிக்கோயா வனராஜா தோட்டத்தில் அமைந்துள்ள கணபதி ஆலயத்தில் விசேட பூஜை வழிபாடுகளிலும் ஈடுபட்டமை குறிப்பிடத்தக்கது.