கென்யா, சோமாலியாவில் வெள்ளப் பெருக்கு : 40 பேர் பலி
கென்யா மற்றும் சோமாலியாவில் கனமழை மற்றும் திடீர் வெள்ளம் காரணமாக 40 பேர் உயிரிழந்துள்ளதாகவும், பல்லாயிரக்கணக்கானோர் இடம்பெயர்ந்துள்ளதாகவும் வெளிநாட்டு ஊடகங்கள் செய்தி வெளியிட்டுள்ளன.
சோமாலியாவில் கடந்த 4 ஆண்டுகளாக கடும் வறட்சி நிலவிய நிலையில் தற்போது அங்குள்ள ஜூபாலாந்து மாகாணத்தில் கனமழை பெய்ததால் ஜூபா மற்றும் ஷாபெல்லே ஆகிய ஆறுகளில் திடீர் வெள்ளப்பெருக்கு ஏற்பட்டது.
இந்த வெள்ளத்தில் அடித்துச் செல்லப்பட்டு 25 பேர் உயிரிழந்ததுடன் பல வீடுகள், வீதிகள் மற்றும் பாலங்கள் சேதமடைந்ததாக தெரிவிக்கப்படுகின்றது. இதனையடுத்து வெள்ளப்பெருக்கால் அதிகம் பாதிக்கப்பட்ட பகுதிகளில் அவசர நிலை பிறப்பித்து அரசாங்கம் உத்தரவிட்டுள்ளது.
வெள்ளப்பெருக்கு அபாயம்
இதேவேளை தெற்கு சோமாலியாவின் ஜூபாலாண்ட் மாநிலத்தில் உள்ள லுக் மாவட்டத்தில் வெள்ளத்தில் சிக்கியுள்ள சுமார் 2,400 குடியிருப்பாளர்களை மீட்பதற்கு அவசர மற்றும் மீட்புப் பணியாளர்கள் முயற்சித்து வருகின்றனர்.
ஜூபா மற்றும் ஷபெல்லே நதிகளில் வெள்ளப்பெருக்கு ஏற்படும் அபாயம் இருப்பதாகவும், ஜூபாவின் முழுப் பகுதியிலும் வசிக்கும் மக்களை வெளியேற்றுமாறும் மனிதாபிமான விவகாரங்களுக்கான ஒருங்கிணைப்பு அலுவலகம் எச்சரித்துள்ளது.
இதேபோல் அயல் நாடான கென்யா, எதியோப்பியாவிலும் கனமழை பெய்ததனால் ஏற்பட்ட வெள்ளப்பெருக்கில் 15 பேர் உயிரிழந்துள்ளனர். வெள்ளத்தால் பாதிக்கப்பட்ட இடங்களில் தீவிர மீட்பு பணி நடைபெற்று வருகிறது.
மோசமான பாதிப்புகள்
துறைமுக நகரமான மொம்பாசா மற்றும் வடகிழக்கு மாவட்டங்களான மன்டேரா மற்றும் வஜிர் ஆகியவை மிக மோசமாக பாதிக்கப்பட்டுள்ளதாக கென்யா செஞ்சிலுவைச் சங்கம் தெரிவித்துள்ளது.
மேலும் திடீர் வெள்ளத்தால் 241 ஏக்கர் விவசாய நிலங்கள் அழிவடைந்துள்ளதாகவும் 1,067 கால்நடைகள் உயிரிழந்துள்ளதாகவும் கென்யா செஞ்சிலுவைச் சங்கம் குறிப்பிட்டுள்ளது.
கென்யாவின் வானிலை முன்னறிவிப்பாளர்கள் செப்டம்பர் முதல் டிசம்பர் வரையிலான குறுகிய மழைக்காலத்தில் வழக்கத்தை விட அதிகமாக மழை பெய்யும் எனவும் எச்சரிக்கை விடுத்துள்ளனர்.
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
பருத்தித்துறை, London, United Kingdom
19 Oct, 2025
