இஸ்ரேல் பிரதமராகிறார் காடி ஐசன்:கூட்டணி கட்சிகளுக்கு விதிக்கப்பட்ட 4 நிபந்தனைகள்
இஸ்ரேல் நாடாளுமன்ற தேர்தலில் எந்தக் கூட்டணிக்கும் பெரும்பான்மை கிடைக்காத சூழலில் யஷார் கட்சித் தலைவர் காடி ஐசன்கோட் ஆட்சி அமைக்க அந்த நாட்டு ஜனாதிபதி ஐசக் ஹெர்சாக் அழைப்பு விடுத்துள்ளார்.
கடந்த ஒக்டோபர் 27ஆம் திகதி இஸ்ரேல் நாடாளுமன்ற தேர்தல் நடைபெற்றது. மொத்தமுள்ள 120 தொகுதிகளில் ஆட்சியமைக்க 61 இடங்களைக் கைப்பற்ற வேண்டும். இந்த தேர்தலில் ஒட்டுமொத்தமாக ஆளும் லிகுட் கூட்டணிக்கு 53 இடங்கள் கிடைத்தன.
ஒட்டுமொத்தமாக டுகெதர் கூட்டணிக்கு 48 இடங்கள் கிடைத்தன. இஸ்ரேலை சேர்ந்த அரபு கட்சிகளின் கூட்டணியான ஜாயின்ட் லிஸ்ட் 11 இடங்களையும் மற்றொரு அரபு கூட்டணியான ராஆம் 8 இடங்களையும் கைப்பற்றின.
6 வாரங்களுக்குள் பெரும்பான்மை
இஸ்ரேல் நாடாளுமன்ற தேர்தலில் எந்தக் கூட்டணிக்கும் பெரும்பான்மை கிடைக்காத சூழலில் யஷார் கட்சித் தலைவர் காடி ஐசன்கோட் ஆட்சி அமைக்க அந்த நாட்டு ஜனாதிபதி ஐசக் ஹெர்சாக் நேற்று முன்தினம் அதிகாரப்பூர்வமாக அழைப்பு விடுத்தார்.
அடுத்த 6 வாரங்களுக்குள் ஆட்சி அமைத்து பெரும்பான்மையை நிரூபிக்கவும் அறிவுறுத்தி உள்ளார்.
இந்த சூழலில் காடி ஐசன்கோட் கூறியதாவது: நாம் இப்போது அவசரகால சூழலில் உள்ளோம். இதை புரிந்து கொண்டு எங்களது கூட்டணி அரசில் லிகுட் கட்சி மற்றும் ஆளும் கூட்டணி கட்சிகள் இணைய அழைப்பு விடுக்கிறேன். நாம் ஒன்றிணைந்து தேசிய எமர்ஜென்சி அரசை அமைக்கலாம்.
ஆனால் என்னை பிரதமராக ஏற்றுக் கொள்ளும் கட்சிகள் மட்டுமே கூட்டணியில் இணைக்கப்படும். எங்கள் கூட்டணியின் 4 முக்கிய நிபந்தனைகளையும் ஏற்றுக் கொள்ள வேண்டும். அதாவது இஸ்ரேலை யூத ஜனநாயக நாடாக அங்கீகரித்து ஏற்றுக்கொள்ள வேண்டும்.
4 நிபந்தனைகள்
இஸ்ரேலின் 1948ஆம் ஆண்டு சுதந்திர தின அறிவிப்பை ஏற்றுக்கொள்ள வேண்டும். அனைத்து தரப்பினரும் கட்டாயமாக ராணுவ பயிற்சி பெற வேண்டும். ஹமாஸ் அமைப்பை தீவிரவாத குழுவாக அறிவிக்க வேண்டும்.
இந்த 4 நிபந்தனைகளை ஏற்றுக் கொண்டால் மட்டுமே எங்கள் கூட்டணியில் இணையலாம். இவ்வாறு காடி ஐசன்கோட் தெரிவித்துள்ளார்.
ஜாயின்ட் லிஸ்ட் மற்றும் ராஆம் ஆகிய இரு அரபு கூட்டணிகள், காடி ஜசன்கோட்டின் கூட்டணி அரசில் இணையாமல் வெளியில் இருந்து ஆதரவு அளிக்க முடிவு செய்துள்ளன. எனினும் அரபு கூட்டணிகளின் ஆதரவு இன்றி பிரதமர் நெதன்யாகுவின் லிகுட் கட்சி மற்றும் அதன் கூட்டணி கட்சிகளை புதிய அரசில் இணைக்க காடி ஐசன்கோட் தீவிர முயற்சி செய்து வருகிறார்.
இஸ்ரேலின் புதிய பிரதமராக பதவியேற்க உள்ள காடி ஐசன்கோட் கடந்த 2015 முதல் 2019 வரை அந்த நாட்டின் ராணுவ தளபதியாகப் பதவி வகித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
பருத்தித்துறை, London, United Kingdom
19 Oct, 2025
