ஹமாஸ் அமைப்பு வெளியிட்ட காணொளி : கதறும் பணயக் கைதிகள்
கடத்தப்பட்ட பணயக்கைதிகளை இஸ்ரேல் பிரதமர் விடுவிக்கவேண்டுமென தெரிவிக்கும் காணொளி ஒன்றை ஹமாஸ் அமைப்பினர் வெளியிட்டுள்ளனர்.
ஹமாஸின் சமூக வலைத்தளத்தில், "அல்-கஸ்ஸாமால் பிடிக்கப்பட்ட பல சியோனிஸ்ட் கைதிகள் நெதன்யாகுவிற்கும் சியோனிச அரசாங்கத்திற்கும் ஒரு செய்தியை அனுப்புகிறார்கள்" என்று விவரிக்கப்பட்ட காணொளியில்,
தோல்வியடைந்த நெதன்யாகு
ஒக்டோபர் 7 ஆம் திகதி ஹமாஸ் அமைப்பால் இடம்பெற்ற படுகொலையை தடுக்கத் தவறிய பிரதமர் நெதன்யாகு, போர்நிறுத்தம் செய்து பணயக்கைதிகளை மீட்கும் முயற்சியிலும் தோல்வியடைந்து விட்டார் என பணயக் கைதிகளாக பிடிக்கப்பட்டுள்ள பெண்கள் குற்றம் சாட்டியுள்ளனர்.
#شاهد
— وكالة شهاب للأنباء (@ShehabAgency) October 30, 2023
عدد من الأسرى الصهاينة لدى القسام يوجهون رسالة لنتنياهو والحكومة الصهيونية pic.twitter.com/AJejzTsNPS
அடையாளம் காணப்பட்ட பெண்கள்
இவ்வாறு குற்றம்சாட்டும் பெண்கள் எலினா ட்ரோபனோவ், டேனியல் அலோனி மற்றும் ரிமோன் கிர்ஷ்ட் என அடையாளம் காணப்பட்டனர்.
ட்ரோபனோவ் ஒக்டோபர் 7 ஆம் திகதி கிப்புட்ஸ் நிர் ஓஸில் இருந்து அவரது தாய், அவரது மகன் மற்றும் அவரது மகனின் காதலியுடன் கடத்தப்பட்டார். அவரது கணவர் கொலை செய்யப்பட்டார். கிர்ஷ்ட் தனது கணவருடன் கிப்புட்ஸ் நிரிமில் இருந்து கடத்தப்பட்டார்.
அலோனி தனது மகள், அவரது சகோதரி, அவரது மைத்துனர் மற்றும் அவரது இரண்டு இரட்டை மருமகள்களுடன் நிர் ஓஸில் இருந்து கடத்தப்பட்டார்.
எனினும் இந்த காணொளி குறித்து கருத்து வெளியிட்ட இஸ்ரேல் பிரதமர் பெஞ்சமின் நெதன்யாகு, இது ஹமாஸ் அமைப்பின் கொடூரமான உளவியல் யுத்தம் என விபரித்துள்ளார்.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
