சவுதி அரேபியாவை இலக்கு வைத்து ஹவுதிக்கள் அதிரடி ஏவுகணை தாக்குதல்
சவுதி அரேபியா மீது பாலிஸ்டிக் ஏவுகணைகள், குரூஸ் ஏவுகணைகள் மற்றும் ட்ரோன்களைப் பயன்படுத்தி யேமனில் செயல்பட்டு வரும் ஹவுதிகிளர்ச்சியாளர்கள், தாக்குதல் நடத்தியுள்ளதாக தெரிவிக்கப்படுகிறது.
இந்த விடயத்தை ஹவுதிக்களின் இராணுவப் பேச்சாளர் யஹ்யா சரீ உறுதிப்படுத்தியுள்ளார்.
“இரண்டு சிறப்பு இராணுவ நடவடிக்கைகள் மேற்கொள்ளப்பட்டன. முதலாவது நடவடிக்கை ரியாத்தில் உள்ள முக்கியத்துவம் வாய்ந்த இலக்குகளை குறிவைத்தது.
யேமன் படைகள்
இரண்டாவது நடவடிக்கை யன்பு பகுதியில் உள்ள சவுதி அராம்கோ நிறுவனத்தின் வசதியை குறிவைத்தது” என அவர் கூறியுள்ளார்.
மேலும், “முற்றுகைக்கு முற்றுகை, தீவிரப்படுத்தலுக்கு தீவிரப்படுத்தல் என்ற நிலைப்பாட்டை நடைமுறைப்படுத்துவதில் யேமன் படைகள் தொடர்ந்து உறுதியாக உள்ளன.
தங்கள் நாட்டுக்கு எதிரான தாக்குதல்கள் நிறுத்தப்பட்டு, யேமன் மீதான முற்றுகை நீக்கப்படும் வரை, எதிரி சவுதி படைகளின் திரள் நிலைகளைத் தாக்குவது தொடரும்” என்றும் யஹ்யா சரீ தெரிவித்துள்ளார்.
ஹவுதி தரப்பின் இந்தக் கூற்றுகள் தொடர்பான தாக்கத்தின் அளவு மற்றும் சேத விவரங்கள் குறித்து தனிப்பட்ட சரிபார்ப்பு தேவைப்படுகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
