கனேடிய குடியுரிமை சான்றிதழை பெறுவது எப்படி -வெளியானது விபரம்
கனேடிய குடியுரிமையை பெறுவதற்கு எதிர்பார்த்துள்ள ஒருவருக்கு மகிழ்ச்சியான தகவலொன்று வெளியாகி உள்ளது.
அதன்படி குடியுரிமை சான்றிதழை பெற எதிர்பார்த்துள்ளவரின் பெற்றோரில் ஒருவர் கனேடிய குடிமகன் அல்லது குடிமகளாக இருந்து அவர்கள் வெளிநாட்டில் இருக்கும்போது நீங்கள் பிறந்திருந்தால் கூட, கனேடிய குடியுரிமை பெறும் வாய்ப்பு உள்ளது.
கனேடிய குடியுரிமை சான்றிதழுக்கு எப்படி விண்ணப்பிப்பது
அந்தவகையில் நீங்கள் ஒரு கனேடிய குடிமகன்தான் என்பதை தீர்மானிப்பதற்காக, கனேடிய அரசு எதிர்பார்க்கும் ஒரு நடவடிக்கையாக, நீங்கள் கனேடிய குடிமகன் என்பதற்கான ஆதாரத்துக்கான விண்ணப்பத்தை (proof of Canadian citizenship application) சமர்ப்பிக்க வேண்டும். அதை, கனேடிய குடியுரிமைச் சான்றிதழுக்கு (Canadian citizenship certificate) விண்ணப்பித்தல் என்றும் அழைக்கலாம்.
நீங்கள் எந்த வயதில் இருந்தாலும் சரி, உங்கள் கனேடிய பெற்றோர் உயிருடன் இருந்தாலும் சரி, அல்லது மரணமடைந்திருந்தாலும் சரி, நீங்கள் கனேடிய குடியுரிமைச் சான்றிதழுக்கு விண்ணப்பிக்க முடியும்.
கனேடிய குடியுரிமைச் சான்றிதழுக்கு விண்ணப்பிப்பதற்காக, நீங்கள் கனேடிய புலம்பெயர்தல், அகதிகள் மற்றும் குடியுரிமை அமைப்பின் இணையத்தளத்திலிருந்து விண்ணப்பிப்பதற்கான பக்கேஜை பதிவிறக்கம் செய்யவேண்டும். விண்ணப்பம் செய்வதற்கான கட்டணம் 75 டொலர்கள் ஆகும்.
ஆதாரங்களை சமர்ப்பிக்கும் முறை
விண்ணப்பிப்பவரின் பெற்றோரில் ஒருவர் கனேடிய குடிமகன் என்பதை நீங்கள் கனேடிய புலம்பெயர்தல், அகதிகள் மற்றும் குடியுரிமை அமைப்புக்கு நிரூபிக்கவேண்டும். அதற்கான ஆதாரங்களாக கீழ்க்கண்ட சான்றிதழ்களை நீங்கள் சமர்ப்பிக்கலாம்.
பெற்றோரின் பிறப்புச்சான்றிதழ்.
பெற்றோரின் கனேடிய குடியுரிமைச் சான்றிதழ்.
பெற்றோரின் கனேடிய குடியுரிமை அட்டை. விண்ணப்பம்
மற்றும் அதற்கான கட்டணத்தை கனேடிய புலம்பெயர்தல், அகதிகள் மற்றும் குடியுரிமை அமைப்பு பெற்றுக்கொண்டதும், அதை அந்த அமைப்பு மீளாய்வு செய்து, அனைத்தும் சரியாக பூர்த்தி செய்யப்பட்டிருந்தால், அதை ஏற்றுக்கொண்டதற்கான பற்றுச்சீட்டை(acknowledgement of receipt) உங்களுக்கு வழங்கும்.
உங்கள் விண்ணப்பம் ஏற்றுக்கொள்ளப்பட்டதும், உங்களுக்கு கனேடிய குடியுரிமைச் சான்றிதழ் அனுப்பிவைக்கப்படும்.
கனேடிய குடியுரிமைக்கான ஆதாரத்தை வைத்து, நீங்கள் கனேடிய பாஸ்போர்ட் பெறலாம், தேர்தலில் வாக்களிக்கலாம், ஒரு கனேடிய குடிமகனாக அல்லது குடிமகளாக கிடைக்கும் பல சலுகைகளைப் பெறலாம்.