பிரான்ஸில் குடியுரிமை பெற விரும்புவர்களா நீங்கள் : உங்களுக்கான அறிவிப்பு

பிரான்சில் (France) குடியுரிமை பெறுவதற்கு உள்ள முக்கிய வழிமுறைகள் தொடர்பில் இப்பதிவில் தெரிந்துகொள்ளலாம்.

ஐந்து வருடங்கள் பிரான்சில் வாழ்ந்திருந்தால் அதைப் பயன்படுத்தி பிரெஞ்சுக் குடியுரிமை கோரலாம்.

பிரெஞ்சுப் பல்கலைக்கழகம் ஒன்றில் கல்வி பயின்றிருந்தால், இரண்டு ஆண்டுகளிலேயே குடியுரிமைக்கு விண்ணப்பிக்கலாம்.

ட்ரம்ப்பால் ரஷ்யாவிற்கு ஏற்பட போகும் பாரிய நெருக்கடி : புடின் எச்சரிக்கை

பிரான்சில் குடியுரிமை

இந்தவகையில், குடியுரிமை கோருவோர், தங்களுக்கு B1 மட்டத்தில் பிரெஞ்சு மொழி பேசத் தெரியும் என நிரூபிக்க வேண்டும்.

அத்துடன், பிரான்ஸ் நாட்டின் கலாச்சாரம், வரலாறு மற்றும் அரசியலைக் குறித்து போதுமான அளவு தெரிந்து வைத்திருக்க வேண்டும்.

எந்த குற்றப் பின்னணியும் இருக்கக்கூடாது என்பதுடன் சரியாக வரி செலுத்தியிருக்க வேண்டும், கவனித்துக்கொள்ளும் அளவுக்கு நிதி வசதி இருப்பதையும் நிரூபிக்க வேண்டும்.

அத்தோடு, ஒரு வேலை அல்லது வருமானத்துக்கான வழி உள்ளதை நிரூபிக்க வேண்டும்.

பிரான்ஸ் நாட்டவர் ஒருவரை மணந்திருந்தால், அதைப் பயன்படுத்தியும் குடியுரிமை கோரலாம் எனவும் தெரிவிக்கப்படுகின்றது.

அமெரிக்க கல்வி துறை தொடர்பில் ட்ரம்ப் எடுத்த அதிரடி முடிவு

பிரான்ஸ் நாட்டவர் 

நான்கு ஆண்டுகளாவது பிரான்ஸ் நாட்டவர் ஒருவருடன் வாழ்ந்திருக்க வேண்டும் அதே நேரத்தில் பிரான்சில் வாழ்ந்திருக்க வேண்டும் என்ற அவசியம் இல்லை எனவும் குறிப்பிடப்படுகின்றது.

பிரான்சில் பிறந்த பிள்ளைகள் இருந்தால், அவர்களுக்கு 13 வயதாகும் போது, அவர்கள் சார்பிலும் குடியுரிமை கோரலாம் என தெரிவிக்கப்படுகின்றது.

குடியுரிமை கிடைத்தால், பிள்ளைகளுக்கும் பிரெஞ்சுக் குடியுரிமை கிடைக்கும் என தெரிவிக்கப்படுகின்றது.

விண்ணப்பிப்பதற்கு தேவையான ஆவணங்கள் 

1. குடியுரிமைக்கு விண்ணப்பிப்பதற்கான பூர்த்தி செய்யப்பட்ட இரண்டு நகல்கள்.
2. கடவுச்சீட்டு நகல், பிறப்புச் சான்றிதழ், பெற்றோரின் பிறப்பு அல்லது இறப்புச் சான்றிதழ் மற்றும் திருமண அல்லது விவாகரத்து சான்றிதழ்.
3. வாடகை ஒப்பந்தம் அல்லது பிரான்சில் வீடு இருப்பதற்கான ஆதாரம்.
4. கடைசி மூன்று முறை வரி செலுத்தியதற்கான ஆதாரம் கடந்த மூன்று ஆண்டுகளின் டிசம்பர் மற்றும் ஜனவரி மாத ஊதியம் பெற்றதற்கான ஆதாரம்.
5. B1 level பிரெஞ்சு மொழி கற்றதற்கான சான்றிதழ்.
6. திருமணம் வாயிலாக விண்ணப்பிப்போருக்கு திருமண மற்றும் பிறப்பு சான்றிதழ்கள்.

மேலும், பிரெஞ்சுக் குடியுரிமைக்கு விண்ணப்பிப்பதற்கான அதிகாரப்பூர்வ கட்டணம் 55 யூரோக்கள்தான் ஆனால், ஆவணங்கள் அனைத்தையும் மொழிபெயர்த்து பதிவு செய்ய அதிகம் செலவு செய்யவேண்டியிருக்கும் என தெரிவிக்கப்படுகின்றமை குறிப்பிடத்தக்கது.

பூமியை கடக்கவுள்ள பாரிய விண்கல்: நாசா விடுத்துள்ள எச்சரிக்கை