30 ஆண்டுகால வெற்றிப் பயணம் - பிறந்தநாள் கொண்டாடும் IBC தமிழ் வானொலி

IBC Tamil World

By Independent Writer Jun 09, 2026 10:47 AM GMT

Independent Writer

in சமூகம்

Report

உலகத் தமிழ் மக்களின் நம்பிக்கையான ஊடகமாக விளங்கும் IBC தமிழ் வானொலி இன்று தனது 30ஆவது ஆண்டு நிறைவை (Pearl Anniversary) சிறப்பாகக் கொண்டாடுகிறது.

1997ஆம் ஆண்டு ஜூன் 9ஆம் திகதி லண்டனில் தொடங்கப்பட்ட IBC தமிழ் வானொலி, முதலில் WRN - Vauxhall வழியாக ஒலிபரப்பைத் தொடங்கியது.

தமிழ் ஈழம், ஐரோப்பா, மத்திய கிழக்கு உள்ளிட்ட உலகெங்கும் வாழும் தமிழ் மக்களின் குரலாகவும், தகவல் தளமாகவும் உருவெடுத்தது.

24 மணி நேர தமிழ் வானொலி

2014ஆம் ஆண்டு முதல் London Tamil Media Ltd நிறுவனத்தின் கீழ் செயல்படும் IBC, 2015ஆம் ஆண்டு தொலைக்காட்சி சேவையையும், 24 மணி நேர இணைய செய்தித் தளத்தையும் விரிவுபடுத்தியது.

தற்போது வானொலி, தொலைக்காட்சி, இணையம் மற்றும் பிற ஊடக வடிவங்கள் ஊடாக உலகத் தமிழர்களை ஒன்றிணைக்கும் பெரும் தளமாக வளர்ந்துள்ளது.

உலகின் மிகப்பெரிய 24 மணி நேர தமிழ் வானொலியாகக் கருதப்படும் IBC, ஒரு மில்லியனுக்கும் மேற்பட்ட நிலையான கேட்போரை கொண்டுள்ளது.

30 ஆண்டுகால பயணம்

செய்தி, பொழுதுபோக்கு, கலாசாரம், இலக்கியம் உள்ளிட்ட பல்வேறு துறைகளில் தொடர்ச்சியான உள்ளடக்கங்களை வழங்கி வருகிறது.

IBC தமிழின் நிறுவன தலைவர் கந்தையா பாஸ்கரன் உள்ளிட்ட குழுவினர் இந்த முத்து விழாவை சிறப்பிக்கும் வகையில் பல நிகழ்வுகளை ஏற்பாடு செய்துள்ளனர்.

30 ஆண்டுகால பயணத்தில் தமிழ் மொழி, பண்பாடு மற்றும் தகவல் உரிமையைப் பாதுகாத்து, உலகத் தமிழ் சமூகத்தின் ஒற்றுமைக்கு பெரும் பங்களிப்பை வழங்கியுள்ளதாக பலரும் பாராட்டுகின்றனர்.

IBC தமிழ் தொடர்ந்து நடுநிலைமை, தரமான செய்திகள் மற்றும் உயர்தர பொழுதுபோக்குடன் தமிழர்களின் இதயங்களில் இடம்பிடித்து, இன்னும் பல தசாப்தங்களுக்கு சேவையாற்ற வாழ்த்துக்கள் பொழியப்படுகின்றன.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

மேலும் இது தொடர்பான செய்திகளைப் படிக்க இங்கே கிளிக் செய்யவும்