கிளிநொச்சியில் சட்ட விரோத மணல் அகழ்வு - தடுக்க சென்ற பிரதேச செயலருக்கு அச்சுறுத்தல்
கிளிநொச்சி கண்டாவளை கனகராயன் ஆற்றுப் பகுதியில் இடம்பெறும் சட்ட விரோத மணல் அகழ்வினை தடுக்க சென்ற பிரதேச செயலாளர் மற்றும் பிரதேச செயலக உத்தியோகத்தர்களை அங்கிருந்தவர்கள் அச்சுறுத்தியுள்ளனர்.
குறித்த பிரதேசத்தில் சட்டவிரோத மணல் அகழ்வு மேற்கொள்வது தொடர்பில் பல்வேறு தரப்பினராலும் முறைப்பாடுகள் முன்வைக்கப்பட்ட வருகின்ற நிலையில் இவற்றை கட்டுப்படுத்துவதற்கு காவல்துறையினர் இதுவரை எந்தவிதமான நடவடிக்கைகளும் எடுக்கப்படவில்லை என தெரிவிக்கப்படுகிறது.
சட்டவிரோத மணல் அகழ்வு
இந்நிலையில் நேற்றைய தினம் (26) பிரதேச செயலருக்கு கிடைக்கப்பட்ட முறைப்பாட்டின் அடிப்படையில் குறித்த இடத்துக்கு பிரதேச செயலாளர் நேரடியாக சென்றுள்ளார்.
குறித்த பகுதியில் சட்டவிரோத மணல் அகழ்வில் ஈடுபட்ட இரண்டு கனரக வாகனங்களை பிடித்துள்ளதுடன் நான்கு கனரக வாகனங்கள் குறித்த பகுதியில் இருந்து பிரதேச செயலக உத்தியோகத்தர்களையும் பிரதேச செயலாளரையும் அச்சுறுத்திவிட்டு தப்பிச் சென்றுள்ளனர்.
இந்நிலையில், மீட்கப்பட்ட இரண்டு கனரக வாகனங்களும் காவல்துறையினரிடம் ஒப்படைக்கப்பட்டுள்ளதாக தெரிவிக்கப்பட்டுள்ளது.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
