இலங்கை மேற்கொள்ளவேண்டிய உடன்படிக்கை! வலியுறுத்தும் ஐஎம்எப்
இலங்கை தனது உத்தியோகபூர்வ மற்றும் தனியார் கடன் வழங்குநர்களுடன் நிதி வசதியின் இரண்டாவது மீளாய்வுக்கு முன்னர் உடன்படிக்கைகளை மேற்கொள்ள வேண்டும் என சர்வதேச நாணய நிதியத்தின் மூத்த தூது தலைவர் பீட்டர் ப்ரூயர் கூறியுள்ளார்.
இதனை அடுத்த ஆண்டு (2024) ஜூன் மாதத்திற்கு முன் மேற்கொள்ள வேண்டும் எனவும் அவர் தெரிவித்தார்.
இது தொடர்பாக அவர் மேலும் கருத்துத் தெரிவிக்கையில்,
உண்மையான ஒப்பந்தங்களை
"கொள்கையளவில் கடன் வழங்குநர்களுடன் செய்துகொள்ளப்பட்ட ஒப்பந்தங்கள் இரண்டாவது மறு ஆய்வுக்கு முன் உண்மையான ஒப்பந்தங்களாக மாற்றப்பட வேண்டும்.
சர்வதேச நாணய நிதியத்தின் குழு அடுத்த ஆண்டின் (2024) மார்ச் மற்றும் ஏப்ரல் மாதங்களில் கொழும்புக்கு விஜயம் செய்ய திட்டமிடப்பட்டுள்ளதால், ஜூன் மாதத்திற்குள் இரண்டாவது மதிப்பாய்வும் வெற்றிகரமாக முடிவடையும் என எதிர்பார்க்கப்படுகிறது.
மேலும், இலங்கை, பிரான்ஸ், சீனா மற்றும் இந்தியா தலைமையிலான உத்தியோகபூர்வ கடன் வழங்கும் குழுவுடனும், சீனாவின் எக்ஸிம் வங்கியுடனும் கொள்கை ரீதியில் இறந்த மறுசீரமைப்பு ஒப்பந்தங்களை மேற்கொண்டுள்ளதால் அவற்றுடன் உண்மையான ஒப்பந்தங்களை மீள மேற்கொள்ள வேண்டும்.
இலங்கை அதன் வணிகக் கடன் வழங்குநர்களுடன் இன்னும் ஒப்பந்தங்களை மேற்கொள்ளாததால் பத்திரதாரர்களால் மொத்த உள்நாட்டு உற்பத்தியின் வளர்ச்சியுடன் இணைக்கப்பட்ட கடனை மறுசீரமைப்பது தொடர்பான ஆரம்ப முன்மொழிவுகள் இலங்கை அதிகாரிகளால் நிராகரிக்கப்பட்டது." என்று அவர் தெரிவித்தார்.
அம்பாறையை அதிரச் செய்த திராய்க்கேணி இனப்படுகொலை!
2 நாட்கள் முன்
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
