இலங்கை வரும் இந்திய இராணுவத் தளபதி
இந்திய இராணுவத் தளபதி ஜெனரல் உபேந்திர திவேதி ஜனவரி 7 ஆம் திகதி இலங்கைக்கு விஜயம் செய்ய உள்ளார்.
குறித்த விடயத்தை நேற்று (4) இந்திய பாதுகாப்பு அமைச்சு அறிவித்துள்ளது.
இரண்டு நாள் பயணமாக நாட்டிற்கு வருகை தரும் ஜெனரல் திவேதி, இலங்கை இராணுவத் தளபதி, பாதுகாப்பு துணை அமைச்சர், பாதுகாப்புச் செயலாளர் மற்றும் பலர் உட்பட பல மூத்த இராணுவ மற்றும் சிவில் அதிகாரிகளைச் சந்திக்க உள்ளார்.
பிராந்திய பாதுகாப்பு
பயிற்சி ஒத்துழைப்பு, பிராந்திய பாதுகாப்பு மற்றும் பல உள்ளிட்ட பரஸ்பர நலன் சார்ந்த விஷயங்கள் குறித்து விரிவான கலந்துரையாடல்கள் நடத்த திட்டமிடப்பட்டுள்ளது.

இந்த விஜயத்தின் போது, இந்திய இராணுவத் தலைவர் பாதுகாப்பு சேவைகள் கட்டளை மற்றும் பணியாளர் கல்லூரியின் (DSCSC) அதிகாரிகள் மற்றும் புத்தல இராணுவக் கல்லூரியின் அதிகாரிகள் மற்றும் பயிற்சியாளர்களையும் சந்திக்க உள்ளார்.
கொழும்பில் உள்ள இந்திய அமைதி காக்கும் படை நினைவிடத்தில் இந்திய இராணுவத் தலைவர் அஞ்சலி செலுத்த உள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |