விஜய் இன்று பதவியேற்பதில் சிக்கல் ..! அவசர கூட்டம்: உளவுத்துறையின் அவசர எச்சரிக்கை

Vijay DMK AIADMK TVK

By Thulsi May 07, 2026 04:07 AM GMT

Thulsi

in தமிழ்நாடு

Report

புதிய இணைப்பு

தமிழக வெற்றிக் கழகத் தலைவர் விஜய் முதலமைச்சராகப் பதவியேற்கும் நிகழ்வு தற்காலிகமாகத் தாமதமடைந்துள்ள நிலையில், கட்சியின் சட்டமன்ற உறுப்பினர்கள் அனைவரையும் உடனடியாகத் தலைமை அலுவலகத்திற்கு வருமாறு கட்சித் தலைமை அழைப்பு விடுத்துள்ளது.

தமிழக வெற்றிக் கழகத் தலைவர் விஜய் இன்று பதவியேற்பதாக கூறிய நிலையில், பெரும்பான்மை இன்னும் கிடைக்காததாக நேரு உள்விளையாட்டு அரங்கில் பதவியேற்பு ஏற்பாடுகள் நிறுத்தப்பட்டுள்ளதாக இந்திய ஊடகங்கள் தெரிவிக்கின்றன.

முதலாம் இணைப்பு

தமிழகத்தின் முக்கிய இடங்களில் பாதுகாப்பை அதிகரிக்க தமிழக காவல்துறையினருக்கு மத்திய உளவுத்துறை எச்சரிக்கை விடுத்துள்ளதாக இந்திய ஊடகம் செய்தி வெளியிட்டுள்ளது.

தமிழக சட்டமன்றத் தேர்தலில் 108 இடங்களைக் கைப்பற்றி தனிப்பெரும் கட்சியாக உருவெடுத்துள்ள தவெக, ஆட்சியமைக்கத் தேவையான 118 இடங்களை எட்டுவதற்கான தீவிர முயற்சியில் ஈடுபட்டுள்ளது.

இதன் ஒரு பகுதியாக, இந்திய தேசிய காங்கிரஸ் கட்சி, நிபந்தனைகளுடன் தவெகவுக்கு ஆதரவு அளிப்பதாக அறிவித்துள்ளது.

தவெகவின் பலம்

இதனுடன் காங்கிரஸின் 5 உறுப்பினர்களின் ஆதரவையும் சேர்த்து தவெகவின் பலம் தற்போது 113 ஆக உயர்ந்துள்ளது.

விஜய் இன்று பதவியேற்பதில் சிக்கல் ..! அவசர கூட்டம்: உளவுத்துறையின் அவசர எச்சரிக்கை | Intelligence Alert To Increase Security In Tn

பெரும்பான்மைக்கு இன்னும் 6 இடங்கள் குறைவாக உள்ள போதிலும், தனிப்பெரும் கட்சி என்ற அடிப்படையில் தவெக தலைவர் விஜய், ஆளுநர் ராஜேந்திர விஸ்வநாத் அர்லேகரைச் சந்தித்து ஆட்சியமைக்கக் கோரி கடிதம் அளித்துள்ளார்.

இருப்பினும், பெரும்பான்மையை நிரூபிக்கத் தேவையான 6 உறுப்பினர்களின் ஆதரவுக் கடிதத்தை ஆளுநர் கேட்பதாகத் தகவல் வெளியாகி உள்ளதால், பதவியேற்பு நிகழ்வில் தற்காலிகத் தாமதம் ஏற்பட்டுள்ளது.

இவ்வாறான பின்னணியில், தவெக தலைவர் விஜய் இன்னும் ஆட்சி அமைக்காத சூழலில் சட்டம் ஒழுங்கு பிரச்சனை ஏற்பட வாய்ப்புள்ளதாக உளவுத்துறை எச்சரிக்கை விடுத்துள்ளது