நாட்டை விட்டு தப்பியோடிய நூற்றுக்கணக்கான குற்றவாளிகள்...! வெளிநாடுகளில் தலைமறைவு
சர்வதேச காவல்துறையினரால் (இண்டர்போல்) சிவப்பு எச்சரிக்கை பிறப்பிக்கப்பட்டுள்ள இலங்கையைச் சேர்ந்த 236 குற்றவாளிகள் தற்போது வெளிநாடுகளில் தலைமறைவாகியுள்ளனர் என்றும் அவர்களில் 97 பேர் பாதாள உலகக் குழுக்களின் உறுப்பினர்கள் என்றும் தெரிவிக்கப்பட்டுள்ளது.
பொதுமக்கள் பாதுகாப்பு மற்றும் நாடாளுமன்ற விவகாரங்கள் அமைச்சர் ஆனந்த விஜேபால இதனை தெரிவித்துள்ளார்.
நாடாளுமன்றத்தில் உரையாற்றும் போதே அவர் இதனை தெரிவித்துள்ளார்.
படுகொலைகள்
வாய்மூல விடைக்கான வினாக்கள் வேளையின் போது ஐக்கிய மக்கள் சக்தியின் கம்பஹா மாவட்ட நாடாளுமன்ற உறுப்பினர் காவிந்த ஜயவர்தன முன்வைத்த கேள்விகளுக்குப் பதிலளிக்கும் போதே அவர் மேற்கண்டவாறு குறிப்பிட்டுள்ளார்.
சர்வதேச காவல்துறையினரின் வழிகாட்டல்கள் மற்றும் இரகசியத் தன்மையைப் பேணும் நோக்கத்தின் காரணமாக சிவப்பு எச்சரிக்கை விடுக்கப்பட்டுள்ள நபர்களின் பெயர்களையோ அல்லது அவர்கள் தங்கியுள்ள நாடுகளின் விவரங்களையோ பகிரங்கப்படுத்த முடியாது என்றும் அமைச்சர் தெளிவுப்படுத்தியுள்ளார்.
1977 ஆம் ஆண்டின் 08 ஆம் இலக்கக் கைதிகள் பரிமாற்றச் சட்டம் மற்றும் இருதரப்பு ஒப்பந்தங்களின் பிரகாரம், வெளிநாடுகளில் தலைமறைவாகியுள்ள இந்தக் குற்றவாளிகளை நாட்டுக்கு மீண்டும் அழைத்து வருவதற்கான சட்ட நடவடிக்கைகள் தீவிரமாக முன்னெடுக்கப்பட்டு வருகின்றன என்றும் அவர் தெரிவித்துள்ளார்.
ஒழுங்கமைக்கப்பட்ட பாதாள உலகக் குற்றக் குழுக்களின் வழிநடத்தலில் இடம்பெற்ற மனிதப் படுகொலைகள் தொடர்பான தரவுகளையும் அமைச்சர் சபையில் சமர்ப்பித்தார்.
- 2020ஆம் ஆண்டில் 2 படுகொலைகள்
- 2021ஆம் ஆண்டில் 4 படுகொலைகள்
- 2022ஆம் ஆண்டில் 23 படுகொலைகள்
- 2023ஆம் ஆண்டில் 16 படுகொலைகள்
- 2024ஆம் ஆண்டில் 42 படுகொலைகள்
- 2025ஆம் ஆண்டில் 29 படுகொலைகள்
- 2026ஆம் ஆண்டில் 18 படுகொலைகள்
இதனடிப்படையில், கடந்த சில வருடங்களில் ஒழுங்கமைக்கப்பட்ட குற்றக்குழுக்களினால் மொத்தம் 136 மனிதப் படுகொலைகள் செய்யப்பட்டுள்ளன என்றும் அமைச்சர் சுட்டிக்காட்டியமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024