குவைத் மற்றும் ஐக்கிய அமீரகத்திலுள்ள அமெரிக்க தளங்களை அதிகாலைவேளை துவம்சம் செய்த ஈரான்

United Arab Emirates Iran Kuwait Iran-US Conflict

By Jaso Sep 03, 2026 03:00 PM GMT

Jaso

in உலகம்

Report

ஈரானிய இஸ்லாமியக் குடியரசின் இராணுவம், குவைத் மற்றும் ஐக்கிய அரபு அமீரகத்தில் உள்ள அமெரிக்கத் தளங்கள் மீது ஏவுகணைகள் மற்றும் ஆளில்லா விமானங்கள் மூலம் தாக்குதல் நடத்தியது. இதில் தகவல் தொடர்பு அமைப்புகள் மற்றும் விமானக் கொட்டகைகள் குறிவைக்கப்பட்டன என ஈரானின் அரை அரச செய்தி நிறுவமான தஸ்னிம் தெரிவித்துள்ளது.

இந்தத் தாக்குதல்கள், செயற்கைக்கோள் தகவல் தொடர்பு அமைப்புகள், ஆயுத கிடங்குகள், போர் விமானக் கொட்டகைகள், படைவீரர் நிலைகள் மற்றும் ராடர் அமைப்புகளைக் குறிவைத்தன.

அமெரிக்க தாக்குதல்களுக்கு பதிலடி

அமெரிக்காவின் தூண்டுதலற்ற ஆக்கிரமிப்பு நடவடிக்கைகளின் போது ஈரானியப் பொதுமக்கள் மற்றும் ஆயுதப் படையினர் வீரமரணம் அடைந்ததற்குப் பதிலடியாக, தனது 'சயேகே' (மின்னல்) நடவடிக்கையின் 31-வது அலையின் ஒரு பகுதியாக, இன்று (03)வியாழக்கிழமை அதிகாலையில் இந்தத் தாக்குதல்கள் நடத்தப்பட்டதாக இராணுவம் கூறியது.

குவைத் மற்றும் ஐக்கிய அமீரகத்திலுள்ள அமெரிக்க தளங்களை அதிகாலைவேளை துவம்சம் செய்த ஈரான் | Iran Army Attacks Target Us Communications Systems

அந்த அறிக்கையின்படி, குவைத்தில் உள்ள அமெரிக்காவால் இயக்கப்படும் அகமது அல்-ஜாபர் விமானத் தளத்தின் மீது ஈரானிய ஏவுகணைகளும் ஆளில்லா விமானங்களும் தாக்குதல் நடத்தின.

அமெரிக்க இராணுவத்திற்கு பலத்த சேதம்

இந்தத் தாக்குதல்களால் தகவல் தொடர்பு அமைப்புகளும் போர் விமானக் கொட்டகைகளும் சேதமடைந்ததாக இராணுவம் கூறியது.

ஐக்கிய அரபு அமீரகத்தில் உள்ள அல் மின்ஹாத் விமானப்படைத் தளத்தில், ஈரானியப் படைகள், அமெரிக்க துருப்புக்கள் நிலைநிறுத்தப்பட்ட பகுதிகள் மற்றும் ராடர் அமைப்புகளை ஏவுகணைகள் மற்றும் ட்ரோன்கள் மூலம் குறிவைத்ததாக அந்த அறிக்கையில் கூறப்பட்டுள்ளது.

மேற்கு ஆசியாவில் உள்ள அமெரிக்கப் படைகளுக்கு அகமது அல்-ஜாபர் ஒரு முக்கிய தளவாட மற்றும் ஆதரவு மையமாக இருப்பதாக இராணுவம் விவரித்தது.

அமெரிக்காவிற்கு முக்கிய தளங்கள்

இப்பகுதியில் அமெரிக்காவின் வான்வழி நடவடிக்கைகள் மற்றும் கண்காணிப்பு செயல்பாடுகளில் இந்தத் தளம் ஒரு முக்கியப் பங்கு வகிப்பதாக அது கூறியது.

இதற்கிடையில், அல் மின்ஹாத் வெளிநாட்டுப் படைகளின் வான்வழி ஆதரவு மற்றும் போக்குவரத்திற்கான ஒரு முக்கிய மையமாக விவரிக்கப்பட்டது.

ஈரானிய சுகாதார அமைச்சகத்தின்படி, தெற்கு ஈரானிய நகரங்கள் மீது அமெரிக்கா நடத்திய புதிய அலைத் தாக்குதல்களில் குறைந்தது 18 பேர் கொல்லப்பட்டனர் மற்றும் 142 பேர் காயமடைந்தனர்.