அவுஸ்திரேலிய இராணுவ தளம் மீது ஈரான் அதிரடி தாக்குதல்

United States of America Australia Iran

By Dharu Mar 03, 2026 04:23 AM GMT

Dharu

in உலகம்

Report

ஐக்கிய அரபு இராச்சியத்தில் உள்ள அவுஸ்திரேலிய இராணுவத் தளம் ஈரானின் தாக்குதலுக்கு உள்ளாகியுள்ளதாக தெரிவிக்கப்படுகிறது.

“மோதலின் முதல் இரவில் ஐக்கிய அரபு எமிரேட்ஸில் உள்ள அவுஸ்திரேலிய இராணுவத் தளத்தை ஈரானிய ட்ரோன்கள் தாக்கியதாக அவுஸ்திரேலிய பாதுகாப்பு அமைச்சர் ரிச்சர்ட் மார்லஸ் உறுதிப்படுத்தியுள்ளார்.

எனினும் யாருக்கும் காயங்கள் ஏற்படவில்லை என்றும் அவுஸ்திரேலிய பாதுகாப்பு அமைச்சர் சுட்டிக்காட்டியுள்ளார்.

மத்திய கிழக்கு நடவடிக்கை

துபாய் அருகே அவுஸ்திரேலியாவின் மத்திய கிழக்கு நடவடிக்கைகளுக்கான தளவாட மையமாக இருக்கும் அல் மின்ஹாட் விமான தளத்தை ட்ரோன்கள் தாக்கியதாக மார்லஸ் கூறியுள்ளார்.

அவுஸ்திரேலிய இராணுவ தளம் மீது ஈரான் அதிரடி தாக்குதல் | Iranian Attack Australian Military Base

மத்திய கிழக்கில் பெப்ரவரி - மார்ச் காலப்பகுதியில் ஏற்பட்ட இராணுவ பதற்றத்தின் போது, பல முக்கிய விமானப்படை மற்றும் கடற்படை தளங்கள் மீது ஏவுகணை மற்றும் ட்ரோன் தாக்குதல்கள் ஈரானால் நடத்தப்பட்டுள்ளன.

இந்தத் தளங்கள் அனைத்தும் அந்தந்த நாட்டின் சொந்த கட்டுப்பாட்டில் இருந்தாலும், சில தளங்கள் அமெரிக்கா மற்றும் கூட்டணி படைகள் பயன்படுத்தும் வகையில் செயல்பட்டு வருகின்றன.

தாக்குதலுக்குள்ளான முக்கிய தளங்கள்

• 🇶🇦 கத்தார் – Al Udeid Air Base (கத்தாருக்குச் சொந்தமானது; அமெரிக்க படைகள் பயன்படுத்தும் முக்கிய மையம்)

• 🇰🇼 குவைத் – Ali Al Salem Air Base (குவைத் கட்டுப்பாடு; அமெரிக்க பயன்பாடு)

• 🇦🇪 ஐக்கிய அரபு அமீரகம் – Al Dhafra Air Base (UAE சொந்தம்; அமெரிக்கா மற்றும் பிரான்ஸ் பயன்படுத்துகின்றன)

• 🇧🇭 பஹ்ரைன் – Naval Support Activity Bahrain (பஹ்ரைன் சொந்தம்; அமெரிக்க 5வது கடற்படை தலைமையகம்)

• 🇯🇴 ஜோர்தான் – Muwaffaq Salti Air Base (ஜோர்டான் கட்டுப்பாடு; அமெரிக்க பயன்பாடு)

• 🇮🇶 ஈராக் – Erbil Air Base (ஈராக் சொந்தம்; அமெரிக்க படைகள் உள்ளன)

• 🇸🇦 சவூதி அரேபியா – King Fahd Air Base (சவூதி கட்டுப்பாடு)

முக்கியமாக, இந்த தளங்கள் அனைத்தும் அந்தந்த நாட்டின் அதிகாரத்தில் இருந்தாலும், அமெரிக்க மற்றும் கூட்டணி படைகளின் இருப்பு காரணமாக பிராந்திய அரசியல் பதற்றம் அதிகரித்துள்ளமை குறிப்பிடத்தக்கது.