ஈரான் - அமெரிக்க மோதலுக்கு மத்தியில் உள்நுழையும் இஸ்ரேலின் வார்த்தை போர்
ஈரான் - இஸ்ரேலைத் தாக்கினால், அந்நாட்டின் எரிசக்தி மற்றும் உள்கட்டமைப்புகள் மீது இஸ்ரேல் தாக்குதல் நடத்தும் என்று இஸ்ரேலிய பாதுகாப்பு அமைச்சர் இஸ்ரேல் காட்ஸ் கடும் எச்சரிக்கை ஒன்றை விடுத்துள்ளார்.
சமீபத்தில் அமெரிக்க - ஈரான் மோதல்கள் தீவிரமடைந்துள்ள நிலையில், தெஹ்ரானுக்கு இஸ்ரேல் விடுத்த சமீபத்திய அச்சுறுத்தலாக இது அமைந்துள்ளது.
அமெரிக்காவும் - ஈரானும் ஜூலை மாதத்திற்குப் பிறகு தங்களின் மிகப்பெரிய ஆயுதத் தாக்குதலை இந்த வாரம் பரிமாறிக்கொண்டதைத் தொடர்ந்து, மத்திய கிழக்கில் மீண்டும் மோதல் வெடிக்கும் என்ற அச்சம் நிலவியது.
ஈரானின் தெற்குக் கடற்கரை
இதில் அமெரிக்கா ஈரானின் தெற்குக் கடற்கரையைத் தாக்கியதுடன், தெஹ்ரான் அப்பிராந்தியம் முழுவதும் உள்ள அமெரிக்கத் தளங்கள் மீது துப்பாக்கிச் சூடு நடத்தியது.
இந்நிலையில் இன்று, பாதுகாப்பு அமைச்சக ஊழியர்களிடம் பேசிய காட்ஸ், “இஸ்ரேல் மீதான ஈரான் தாக்குதல், ஈரான் மீது தாக்குதல் நடத்துவதற்கு தற்போதுள்ள கட்டுப்பாடுகளிலிருந்து இஸ்ரேலை விடுவிக்கும்.
தாக்குதல் நிகழ்ந்தால், நாங்கள் ஈரானின் எரிசக்தி உள்கட்டமைப்பு உட்பட அனைத்து தேசிய இராணுவ மற்றும் குடிமை உள்கட்டமைப்புகளையும் முடக்கி, ஈரானை மீண்டும் கற்காலத்திற்கும் இருளுக்கும் ஆழமாகத் தள்ளுவோம்.
செப்டம்பர் மாத நடுப்பகுதியில் தொடங்கும் யூதர்களின் முக்கியப் பண்டிகைக் காலத்தில் ஏற்படக்கூடிய தாக்குதலை எதிர்கொள்ள இஸ்ரேலியப் படைகள் இப்போதும் தயாராகவே உள்ளது.
தற்போது, தங்களை தவிர இந்தப் பிராந்தியம் முழுவதும் அவர்கள் தாக்குதல் நடத்தி வருகிறார்கள். எனினும், அவர்கள் நம்மைத் தாக்க வாய்ப்புள்ளது.
அதற்கு நாங்கள் தற்காப்பு ரீதியாகத் தயாராக இருக்கிறோம். ஆறு மாத கால மோதலில், கடந்த சில வாரங்களில் இல்லாத அளவுக்கு மிகக் கடுமையான தாக்குதல் நடந்த நிலையில், ஜோர்தான், ஐக்கிய அரபு அமீரகம், குவைத், பஹ்ரைன் மற்றும் ஈராக்கின் தன்னாட்சி பற்ற குர்திஸ்தான் பிராந்தியத்தில் உள்ள அமெரிக்க சொத்துக்கள்" மீது புதன்கிழமை தாக்குதல் நடத்தப்படும் என ஈரானின் புரட்சிகர காவலர்கள் அறிவித்தனர்.
மீண்டும் நினைவுப்படுத்துகிறோம், ஈரான் தாக்குதல் நடத்தினால், வேறு எவரையும் சாராமல் இஸ்ரேல் பதிலடி கொடுக்கும்" என்று காட்ஸ் கூறியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு 8ம் வட்டாரம், Büren an der Aare, Switzerland
29 Aug, 2026
