ரஃபா எல்லையை மூடிய இஸ்ரேல்:நோயாளிகளுக்கான சிகிச்சை மறுப்பு என காசா ஆதங்கம்

Israel Gaza Patient

By Sindu Oct 16, 2026 05:14 AM GMT

Sindu

in உலகம்

Report

வெளிநாட்டில் சிகிச்சை தேவைப்படும் நோயாளிகள் மற்றும் காயமடைந்தவர்களை கொண்டு செல்லும் ரஃபா எல்லைக் கடவையை இஸ்ரேல் தொடர்ந்தும் இரண்டாவது வாரமாக மூடி வைத்திருப்பதாக காசாவின் சுகாதார அமைச்சகம் தெரிவித்துள்ளது.

சர்வதேச மனிதாபிமானச் சட்டத்தை இஸ்ரேல் கடுமையாக மீறுவதாகவும் நோயுற்ற மற்றும் காயமடைந்தவர்களின் சிகிச்சைகளுக்கான உரிமையை வேண்டுமென்றே இஸ்ரேல் மறுப்பதாகவும் அமைச்சகம் குறிப்பிட்டுள்ளது.

இந்த நிலைமையானது, கடுமையாக நோய்வாய்ப்பட்ட நோயாளிகளை ஆபத்தான நிலைக்கு கொண்டு செல்வதோடு, சிகிச்சைக்காக காத்திருப்போரின் பட்டியலை தினமும் அதிகரித்து, காசாவின் பாழடைந்த முற்றுகையிடப்பட்ட மருத்துவமனைகளின் திறனை வெகுவாக மீறிச் செல்கின்றன என்றும் தெரிவித்துள்ளது.

சிகிச்சை வழங்க முடியாத நிலை

இந்த நிலைமையினால் நோயாளிகளுக்கு குறைந்தபட்ச சிகிச்சையைக் கூட வழங்க முடியாத சூழ்நிலை ஏற்பட்டுள்ளதாகவும் எச்சரித்துள்ளது.

ரஃபா எல்லையை மூடிய இஸ்ரேல்:நோயாளிகளுக்கான சிகிச்சை மறுப்பு என காசா ஆதங்கம் | Isreal Gaza Hospitals Health Patient Treatment

ரஃபா மற்றும் பிற அனைத்து எல்லைக் கடவைகளையும் திறக்கவும், கடுமையாக நோய்வாய்ப்பட்ட நோயாளிகளை வெளியேற அனுமதிக்கவும் இஸ்ரேல் மீது கடுமையான மற்றும் அவசரகால அழுத்தத்தைப் பிரயோகிக்குமாறு சம்பந்தப்பட்ட அனைத்துத் தரப்பினரையும் காசாவின் சுகாதார அமைச்சகம் கேட்டுக்கொண்டது.