தமிழரசுக் கட்சியின் கொடி போர்த்தி மாவையின் புகழுடலுக்கு அஞ்சலி

புதிய இணைப்பு

இலங்கை தமிழ் அரசுக் கட்சியின் மூத்த தலைவரும் முன்னாள் நாடாளுமன்ற உறுப்பினருமான மாவை சேனாதிராஜாவின் பூதவுடல் மக்கள் அஞ்சலிக்காக யாழ்.மாவிட்டபுரத்தில் உள்ள அவரது இல்லத்தில் வைக்கப்பட்டுள்ளது.

இன்று காலை மாவை சேனாதிராஜாவின் பூதவுடலுக்கு தமிழ் அரசுக் கட்சியின் நாடாளுமன்ற குழுத்தலைவர் சிவஞானம் சிறிதரன் தலைமையில் நாடாளுமன்ற உறுப்பினர்களான ஞா.சிறிநேசன், கவீந்திரன் கோடீஸ்வரன் மற்றும் முன்னாள் நாடாளுமன்ற உறுப்பினர் பா.அரியநேத்திரன் மற்றும் கட்சியின் முக்கிய உறுப்பினர்களால் இலங்கைத் தமிழரசுக் கட்சியின் கொடி போர்க்கப்பட்டு மதிப்பளிக்கப்பட்டு அஞ்சலி செலுத்தப்பட்டது.

அத்துடன் மத தலைவர்கள், கட்சி உறுப்பினர்கள், பொதுமக்கள் என பலரும் அஞ்சலி செலுத்தி வருகின்றமை குறிப்பிடத்தக்கது.

முதலாம் இணைப்பு 

இலங்கைத் தமிழ் அரசுக் கட்சியின் மூத்த தலைவர் மாவை சேனாதிராஜாவின் (Mavai Senathiraja) புகழுடலுக்கு நாடாளுமன்ற உறுப்பினரும், கட்சியின் நாடாளுமன்றக் குழுத் தலைவருமான சிவஞானம் சிறீதரன் (Sivagnanam Sridharan) அஞ்சலி செலுத்தியுள்ளார்.

சுகயீனம் காரணமாக நேற்று முன் தினம் (28) யாழ்.போதனா வைத்தியசாலையின் அதி தீவிர சிகிச்சைப்பிரிவில் மாவை சேனாதிராஜா அனுமதிக்கப்பட்டார். இந்தநிலையில், அவர் நேற்றைய தினம் (29) தனது 82 ஆவது வயதில் உயிரிழந்துள்ளார்.

இதையடுத்து, வைத்தியசாலையின் நிர்வாக நடைமுறைகளைப் பின்பற்றி இன்று (30) அதிகாலை அவரது புகழுடலைப் பொறுப்பேற்ற சிறீதரன், மாவிட்டபுரத்தில் உள்ள இல்லத்தில் வைத்து கட்சியின் மூத்த தலைவரின் புகழுடலுக்கு அஞ்சலி செலுத்தினார்.

அரச ஊழியர்களின் சம்பள அதிகரிப்பில் பாரிய மாற்றத்தை செய்யவுள்ள அநுர அரசு

மறைந்த மாவை

மறைந்த மாவை சேனாதிராஜாவின் புகழுடல், அரசடி வீதி, மாவிட்டபுரம், தெல்லிப்பழையிலுள்ள அவரது இல்லத்தில் மக்கள் அஞ்சலிக்காக வைக்கப்பட்டுள்ளது.

மேலும், இறுதிக் கிரியைகள் எதிர்வரும் (2025.02.02), ஞாயிற்றுக்கிழமை பி.ப.3.00 மணிக்கு நடைபெறவுள்ளமை குறிப்பிடத்தக்கது.

நாட்டின் சில இடங்களில் பலத்த மழைவீழ்ச்சி

ரணிலின் வாரிசாக மாறிவிட்ட அநுர-ஹரிணி அரசாங்கம் : முன்வைக்கப்பட்ட கடும் குற்றச்சாட்டு