திசைமாறி இந்திய கடற்பரப்பு சென்ற யாழ். குருநகர் கடற்றொழிலாளர்கள்

Jaffna Sri Lanka Fisherman Ministry of Fisheries of Sri Lanka

By Theepan Nov 11, 2026 05:35 AM GMT

Theepan

in சமூகம்

Report

யாழ்ப்பாணத்தை சேர்ந்த இரண்டு கடற்றொழிலாளர்கள் காற்றின் வேகம் காரணமாக நாட்டு படகுடன் தமிழகத்தில் கரை ஒதுங்கியுள்ளனர்.

யாழ்ப்பாணம் குருநகர் பகுதியைச் சேர்ந்த இரு கடற்றொழிலாளர்களே பலத்த காற்று மற்றும் கனமழை காரணமாக கடலில் திசைமாறி இந்தியக் கடற்பரப்புக்குள் சென்ற நிலையில், தமிழகத்தின் பாம்பன் லைட்ஹவுஸ் கடற்கரையில் தமது மரப்படகுடன் கரை ஒதுங்கியுள்ளனர்.

குருநகரைச் சேர்ந்த ஜனோஜன் (27), டிவோசன் (36) ஆகிய இருவரும் கடந்த 9 ஆம் திகதி மீன்பிடிக்கக் கடலுக்குச் சென்றுள்ளனர்.

சட்ட நடவடிக்கை

இதன்போது ஏற்பட்ட கடுமையான காற்று மற்றும் மழை காரணமாக படகு திசைமாறி இந்தியக் கடற்பரப்புக்குள் சென்றுள்ளது.

திசைமாறி இந்திய கடற்பரப்பு சென்ற யாழ். குருநகர் கடற்றொழிலாளர்கள் | Jaffna Boat Drifts Into India Due To Heavy Rain

இதையடுத்து, பாம்பன் வடக்கு மீன்பிடித் துறைமுகம் அருகிலுள்ள லைட்ஹவுஸ் கடற்கரையில் கரை ஒதுங்கிய இருவரையும் இந்திய மரைன் காவல்துறையினர் மீட்டு, படகுடன் மண்டபம் மரைன் காவல் நிலையத்திற்கு அழைத்துச் சென்றுள்ளனர்.

சம்பவம் தொடர்பில் இருவரிடமும் விசாரணைகள் முன்னெடுக்கப்பட்டு வருவதுடன், உரிய அனுமதியின்றி இந்தியக் கடற்பரப்புக்குள் நுழைந்தமை தொடர்பாக சட்ட நடவடிக்கை எடுப்பது குறித்தும் அதிகாரிகள் ஆராய்ந்து வருகின்றனர்.