யாழ் மக்களை அசௌகரியத்திற்குள்ளாக்கிய சுதந்திர பேரணி: வரவேற்கத்தக்கது என்கிறார் சரத் வீரசேகர

Sri Lankan Tamils Tamils Jaffna Sarath Weerasekara National Day

By Shadhu Shanker Feb 04, 2024 11:19 AM GMT

Shadhu Shanker

in சமூகம்

Report

தமிழர் தாயக பகுதிகளில் சுதந்திர தினத்தை கரிநாளாக அனுஷ்டிக்கும் நிலையில், யாழ்ப்பாணத்தில் தேசியக் கொடியை ஏந்தியவாறு பொதுமக்கள் சிலர் சுதந்திரத்தை கொண்டாடியதை வரவேற்பதாக நாடாளுமன்ற உறுப்பினர் சரத் வீரசேகர தெரிவித்துள்ளார்.

யாழ்ப்பாணத்தில் இன்று(4) இடம்பெற்ற சுதந்திர தின கொண்டாட்டத்தில் கலந்துகொண்டு ஊடகங்களுக்கு கருத்து தெரிவிக்கும் போதே மேற்கண்டவாறு தெரிவித்தார்.

இது தொடர்பில் மேலும் கருத்து தெரிவித்த அவர், “யுத்தம் முடிவடைந்த பின்னர் தமிழ் மக்கள் இலங்கையின் சுதந்திர தினத்தை சந்தோஷமாக கொண்டாடி வருகின்றமை அனைவரும் அறிந்த விடயம்.

76 ஆவது சுதந்திர தினம்

அதேபோல் இந்த வருடம் யாழ்ப்பாண நகரில் ஆயிரக்கணக்கான இளைஞர்கள் தேசிய கொடியினை ஏந்தியவாறு இலங்கை 76 ஆவது சுதந்திர தினத்தை கொண்டாடியமை வரவேற்கத்தக்க விடயம்.” என தெரிவித்தார்.

யாழ் மக்களை அசௌகரியத்திற்குள்ளாக்கிய சுதந்திர பேரணி: வரவேற்கத்தக்கது என்கிறார் சரத் வீரசேகர | Jaffna National Day Black Day Sarathweerasekara Sl

குறித்த பேரணி முன்னெடுக்கப்பட்டதால் வீதியில் செல்லும் பயணிகள் போக்குவரத்து செய்வதற்கு மிகவும் சிரமங்களை எதிர்நோக்கியதோடு வீதியால் பயணித்த பயணிகள் குறித்த பேரணியை கடிந்தவாறு சென்றமை குறிப்பிடத்தக்கது.