இணையத்தில் கசிந்த ஜனாநாயகன் திரைப்படம்...! எடுக்கப்படவுள்ள சட்ட நடவடிக்கை
அரசியல் காரணங்களுக்காக தணிக்கைக் குழுவினால் முடக்கப்பட்டிருந்த, தமிழக வெற்றி கழக தலைவர் விஜய் நடித்த ஜன நாயகன் திரைப்படம், சட்டவிரோதமாக இணையத்தில் கசிந்துள்ளதாக முறைப்பாடளிக்கப்பட்டுள்ளது.
இம்மாதம் சட்டமன்ற தேர்தல் நடைபெறவுள்ள நிலையில் இந்த விடயம் தமிழ்நாட்டு அரசியலில் பரபரப்பை ஏற்படுத்தியுள்ளது.
தணிக்கைக் குழுவின் (CBFC) சான்றிதழ் சிக்கல்கள் மற்றும் தமிழக சட்டமன்றத் தேர்தல் காரணமாகப் படத்தின் வெளியீடு தள்ளிவைக்கப்பட்டிருந்தது.
சண்டைக் காட்சிகள்
இந்தநிலையில், தற்போது மூன்று மணிநேர முழுப்படமும் இணையத்தில் வெளியாகியுள்ளது.
ஏற்கனவே இப்படத்தின் முதல் ஐந்து நிமிடக் காட்சிகள் மற்றும் சில முக்கிய சண்டைக் காட்சிகள் சமூக வலைதளங்களில் கசிந்திருந்தன.
இந்நிலையில், தற்போது முழுப்படமே வெளியாகியுள்ளதால் இதனைச் செய்தவர்கள் யார் என்பது குறித்துத் தீவிர விசாரணை நடத்தப்பட்டு வருகிறது.
பெரும் சர்ச்சை
சைபர் கிரைம் காவல்துறையினரிடம் இது தொடர்பாகப் படக்குழு முறைப்பாடு அளித்துள்ளதுடன், பதிவேற்றம் செய்தவர்கள் மீது கடுமையான சட்ட நடவடிக்கை எடுக்கப்படும் என்றும் எச்சரிக்கப்பட்டுள்ளது
நடிகர் விஜய் தனது தமிழக வெற்றிக் கழகம் (TVK) கட்சியின் மூலம் அரசியலில் தீவிரமாக இறங்கியுள்ள நிலையில், ஜன நாயகன் திரைப்படம் அவரது அரசியல் வருகைக்கு வலு சேர்க்கும் வகையில் ஜனவரி ஒன்பதாம் திகதி வெளியிடத் திட்டமிடப்பட்டிருந்ததாக இந்திய ஊடக தகவல்கள் தெரிவிக்கின்றன.
இருப்பினும், அரசியல் காரணங்களுக்காக தணிக்கைக் குழு இப்படத்தினை முடக்கி இருப்பதாகக் குற்றச்சாட்டுகள் எழுந்திருந்தன.
இந்தநிலையில், ஏப்ரல் 23-இல் தேர்தல் நடைபெறவுள்ள சூழலில் இவ்வாறு திரைப்படம் கசிந்திருப்பது பெரும் சர்ச்சையை உருவாக்கியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Urumpirai, மன்னார் முருங்கன், Markham, Canada, Drancy, France
21 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
