கின்னஸ் புத்தகத்தில் இடம்பிடித்த ஜப்பான் சகோதரிகள் - எதற்கு தெரியுமா(காணொளி)
உலகிலேயே அதிக உயர வித்தியாசம் கொண்ட இரட்டையர்களாக ஜப்பானைச் சேர்ந்த சகோதரிகள் கின்னஸ் புத்தகத்தில் இடம்பிடித்து உள்ளனர்.
பொதுவாக, இரட்டையர்கள் ஒரேமாதிரியான உடல் அமைப்பு, அடையாளங்களைக் கொண்டிருப்பர். ஆனால், யோஷி மற்றும் மிச்சி கிகுச்சி ஆகிய சகோதரிகள் இதில் வித்தியாசமானவர்கள்.
உயர வித்தியாசம்
ஜப்பானில் உள்ள ஒகாயாமா நகரத்தைச் சேர்ந்த இவர்கள், ஒக்டோபர் 15, 1989இல் பிறந்துள்ளனர். இருவரும், 2 அடி மற்றும் 5.5 அங்குலம் (75 சென்டிமீட்டர்கள்) உயர வித்தியாசத்தைக் கொண்டுள்ளனர்.
இதில் யோஷி என்பவர் 162.5 செமீ உயரத்தை (5 அடி 4 அங்குலம்) கொண்டிருக்கிறார். மிச்சி என்பவர் 87.5 செமீ உயரத்தைக் (2 அடி 10.5 அங்குலம்) கொண்டிருக்கிறார். இதன்மூலம் உலகிலேயே அதிக உயர வித்தியாசம் கொண்ட மகளிர் இரட்டையர் என்ற சாதனையை இவர்கள் படைத்துள்ளனர்.
அதிகாரபூர்வமாக கின்னஸ் பக்கத்தில் பதிவு
New record: Greatest height differential in living fraternal twins (female) - 75.0 cm (2 ft 5.5 in) between Yoshie and Michie Kikuchi (Japan) 🇯🇵
— Guinness World Records (@GWR) February 24, 2023
Despite their differences, Yoshie and Michie remain the closest of sisters 🥰️@GWRJapan pic.twitter.com/B5LZ4aswaf
இவர்களது உயரம், தகுதி வாய்ந்த மருத்துவர் குழுவைக் கொண்டு காலை, மதியம், மாலை என உணவுக்குப் பிறகு அளக்கப்பட்டுள்ளதாம். அதன்படியே, அவர்கள் கின்னஸுக்கு தேர்வு செய்யப்பட்டனர். இதையடுத்து அவர்களது சாதனை, அதிகாரபூர்வமாக கின்னஸ் பக்கத்தில் பதிவிடப்பட்டுள்ளது.
இதில் மிச்சி மட்டும், தற்போது அவரது பெற்றோருடன் வசித்து வருகிறார். யோஷிக்கு திருமணமானதால், அவரது கணவர் வீட்டில் வசிக்கிறார்.
உயரம் குறைவாக இருப்பது குறித்து கருத்து தெரிவித்துள்ள மிச்சி, “கடந்த 2012-ம் ஆண்டில், உலகின் மிகவும் குட்டையான மனிதர் ஒருவரைப் பற்றிய வரலாறு படித்தேன். அது, என் மனதைக் கலங்கச் செய்தது. அதேநேரம், அவருடைய குணம் என்னை வியப்பில் ஆழ்த்தியது. இதுவொருபுறம் என்றால், என் உயரம் குறித்து நான் கவலைப்படுகிறேன்” எனத் தெரித்துள்ளார்.
வண்ணார்பண்ணை, திருநெல்வேலி, யாழ்ப்பாணம், கொழும்பு, Toronto, Canada, Montreal, Canada
19 Sep, 2024
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
சரவணை மேற்கு, யாழ்ப்பாணம், ஜேர்மனி, Germany, Ivry-sur-Seine, France, Limeil-Brévannes, France
15 Sep, 2024
புங்குடுதீவு 3ம் வட்டாரம், Montreal, Canada, Cornwall, Canada, Hamilton, Canada
22 Sep, 2023
