யாழ்ப்பாணம் செல்லவுள்ள நீதி அமைச்சர்
சிறிலங்கா நீதியமைச்சர் விஜயதாச ராஜபக்ச யாழ்ப்பாண மாவட்டத்திற்கு விஜயம் செய்யவுள்ளதாக தெரிவிக்கப்படுகின்றது.
யாழ்ப்பாணம் - காரைநகர், வியாவில் ஐயனார் ஆலயத்தில் தேசிய நல்லிணக்க தைப்பொங்கல் விழா நாளை (15) இடம்பெறவுள்ளது.
குறித்த நிகழ்வில் கலந்து கொள்வதற்காகவே நீதி அமைச்சர் யாழ்ப்பாணத்திற்கு விஜயம் செய்யவுள்ளதாக குறிப்பிடப்படுகின்றது.
நீதி அமைச்சரின் பங்குபற்றல்
தேசிய ஒருமைப்பாட்டு நல்லிணக்க அலுவலக இணைப்பாளர் கந்தசாமி கருணாகரனின் ஒருங்கிணைப்பில் தைப்பொங்கல் நிகழ்வு இடம்பெறவுள்ளது.
இதேவேளை நீதி அமைச்சர் விஜயதாச ராஜபக்சவின் பங்குபற்றுதலுடன் காலை 10 மணிக்கு தைப்பொங்கல் விழா ஆரம்பமாகவுள்ளது.
அண்மையில் விஜயம் செய்த பிரபலங்கள்
குறித்த நிகழ்வினை வியாவில் வாழ் மக்கள், வர்த்தக சமூகத்தினர் மற்றும் வெளிநாட்டு வாழ் உறவுகளும் இணைந்து கொண்டாடவுள்ளனர்.
இதேவேளை அண்மையில் யாழ் மாவட்டத்திற்கு பிரித்தானிய இளவரசி ஆன் கடந்த 11ஆம் திகதி யாழ்ப்பாணத்திற்கு விஜயம் செய்திருந்தார்.
அத்துடன் அதிபர் ரணில் விக்ரமசிங்க கடந்த 04 ஆம் திகதி யாழ் மாவட்டத்திற்கு விஜயம் செய்திருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026