முன்னாள் துறைமுக அமைச்சரின் மருமகன் வீட்டில் மறைத்து வைக்கப்பட்டிருந்த வாகனங்கள் சிக்கின
கண்டி(kandy), அனிவத்த பிரதேசத்தில் முன்னாள் துறைமுக அமைச்சரின் மருமகனின் வீட்டில் மறைத்து வைக்கப்பட்டிருந்த சுமார் ஆறு கோடி ரூபா பெறுமதியான BMW ரக கார் மற்றும் பிராடோ ரக ஜீப் ஒன்றை கண்டி பிரிவு குற்றப் புலனாய்வுப் பிரிவினர் கைப்பற்றியுள்ளனர்.
கண்டி பிரதேச சிரேஷ்ட காவல்துறை அத்தியட்சகர் அனுருத்த பண்டாரநாயக்கவிற்கு(Anuruddha Bandaranaike) கிடைத்த தகவலின் பிரகாரம், பிரதான காவல்துறை பரிசோதகர் திலக் சமரநாயக்க தலைமையிலான பிரதேச குற்றப் புலனாய்வுப் பிரிவினர் குழுவொன்று, அனிவத்தையில் அமைந்துள்ள வீட்டின் கராஜில் இரகசியமாக மறைத்து வைக்கப்பட்டிருந்த இரண்டு வாகனங்களையும் கைப்பற்றினர்.
இரண்டு வாகனங்கள்
இந்த இரண்டு வாகனங்கள் தொடர்பாக அந்த வீட்டில் உள்ள எவரும் சட்டப்பூர்வமாக உரிமை கோர முடியாத காரணத்தால், இரண்டு வாகனங்களும் பறிமுதல் செய்யப்பட்டுள்ளன.
சட்டவிரோதமான முறையில் இறக்குமதி
கண்டி, மஹய்யாவ பிரதேசத்தில் கடையொன்றை நடத்திவரும் முன்னாள் அமைச்சர் ரோஹித அபேகுணவர்தன(Rohitha Abeygunawardena) துறைமுக அமைச்சராக இருந்த காலத்தில் அவரது மருமகன் துறைமுக அதிகாரசபையில் உயர் பதவியை வகித்ததாக காவல்துறையினர் தெரிவிக்கின்றனர்.
இந்த இரண்டு வாகனங்களும் சட்டவிரோதமான முறையில் துறைமுகத்தில் இருந்து இறக்குமதி செய்யப்பட்டதாக சந்தேகிக்கப்படும் காவல்துறையினர், குறித்த வாகனங்கள் அரசாங்க பரிசோதகரிடம் ஒப்படைக்கப்படவுள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
