வெளிநாடு செல்பவர்களுக்காக கட்டுநாயக்காவில் திடீர் மாற்றம்
கட்டுநாயக்க விமான நிலையத்தில் பொருத்தப்பட்டிருந்த ஸ்கானிங் இயந்திரத்தை அகற்ற எடுத்த செயற்பாடு தொடர்பாக விமான நிறுவனம் விரிவான அறிக்கை ஒன்றை வெளியிட்டுள்ளது.
இதன்படி வெளிநாடு செல்லும் பயணிகளின் வசதி கருதி பாதுகாப்பு நடைமுறைகளை இலகுபடுத்தும் வகையில் குறித்த ஸ்கானிங் இயந்திரம் அகற்றப்பட்டுள்ளதாக விமான நிறுவனம் தெரிவித்துள்ளது.
வெளிநாடு செல்லும் ஒவ்வொரு பயணியும்
குறித்த ஸ்கானிங் இயந்திரம் அகற்றப்பட்ட போதிலும் வெளிநாடு செல்லும் ஒவ்வொரு பயணியும் விமானத்தில் ஏற முன் இரண்டு இடங்களில் சிறப்பு ஸ்கான் இயந்திரத்தில் சோதனைக்கு உட்படுத்தப்படுவார்கள் என தெரிவிக்கப்பட்டுள்ளது.
முன்னர் காணப்பட்ட பயங்கரவாத அச்சுறுத்தல் காரணமாகவே ஸ்கானிங் இயந்திரம் நிறுவப்பட்டதாக அறிக்கையில் சுட்டிக்காட்டப்பட்டுள்ளது.
முன்னதாக, அந்த இயந்திரம் உட்பட 03 ஸ்கானிங் இயந்திரங்கள் மூலம் வெளிநாடு செல்லும் பயணிகள் சோதனைக்கு உட்படுத்தப்பட்டதால் பாரிய கூட்ட நெரிசல் ஏற்பட்டதாக தெரிவிக்கப்பட்டுள்ளது.
தற்போது அமைதியான சூழ்நிலை நிலவுவதுடன் வெளிநாடுகளுக்கு பயணிக்கும் பயணிகளுக்கு ஏற்படும் அசௌகரியங்களை கருத்திற்கொண்டு இந்த தீர்மானத்தை எடுத்துள்ளதாக குறித்த அறிக்கையில் மேலும் தெரிவிக்கப்பட்டுள்ளது.
பயணிகள் 24 மணிநேரமும் கண்காணிப்பு
இதேவேளை, நவீன தொழில்நுட்பத்துடன் கூடிய 446 கமராக்களில் இருந்து பெறப்படும் படங்கள் அடங்கிய பாதுகாப்பு சிசிரிவி கமரா அமைப்புடன் கூடிய குழு ஒன்றின் ஊடாக பயணிகள் 24 மணிநேரமும் கண்காணிக்கப்படுவதாக குறிப்பிடப்படுகின்றது.
சிவில் உடையில் முப்படை வீரர்கள் அடங்கிய பாதுகாப்புக் குழுவும் புறப்படும் மற்றும் வருகை தரும் முனையங்களில் பணியில் ஈடுபடுத்தப்பட்டுள்ளதாக மேலும் குறிப்பிடப்பட்டுள்ளது.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
