ரஷ்யா விரைகிறார் வடகொரிய அதிபர் : புடினுடன் முக்கிய பேச்சு

வட கொரிய அதிபர் கிம் ஜாங்-உன் இந்த மாதம் ரஷ்யாவுக்குச் செல்லவுள்ளதாக நியுயோர்க் ரைம்ஸ் தெரிவித்துள்ளது.

இவ்வாறு செல்லும் அவர் ரஷ்ய அதிபர் விளாடிமிர் புடினைச் சந்தித்து உக்ரைனுக்கு எதிரான போருக்கு ரஷ்யாவுக்கு கூடுதல் ஆயுதங்களை வழங்குவதற்கான சாத்தியக்கூறுகள் குறித்து கலந்துரையாட திட்டமிட்டுள்ளார்.

புடினைச் சந்திக்க கிம் வடகொரிய தலைநகர் பியாங்யாங்கில் இருந்து கவச ரயிலில் ரஷ்யாவின் விளாடிவோஸ்டாக் நகருக்குச் செல்வார் என்று தெரிவிக்கப்படுகிறது.அத்துடன் கிம் மொஸ்கோவிற்கும் பயணம் செய்யலாம்.

வட கொரியாவின் ஏவுகணை சோதனைக்கு அமெரிக்கா கண்டனம்

ஆயுதங்கள் வழங்குவது குறித்து பேச்சு

ரஷ்யாவிற்கு பீரங்கி ஏவுகணைகள் மற்றும் தாங்கி எதிர்ப்பு ஏவுகணைகளை வழங்க கிம் உடன்பட வேண்டும் என்று புடின் விரும்புவதாக செய்தித்தாள் வட்டாரங்கள் தெரிவித்தன. இதற்கிடையில், செயற்கைக்கோள்கள் மற்றும் அணுசக்தி நீர்மூழ்கிக் கப்பல்களுக்கான மேம்பட்ட தொழில்நுட்பங்களை ரஷ்யா தனது நாட்டிற்கு வழங்க வேண்டும் என்று வட கொரிய தலைவர் விரும்புகிறார்.

"இரு தலைவர்களும் விளாடிவோஸ்டாக்கில் உள்ள தூர கிழக்கு கூட்டாட்சி பல்கலைக்கழக வளாகத்தில் செப்டம்பர் 10 முதல் 13 வரை நடைபெற உள்ள கிழக்கு பொருளாதார மன்றத்தில் கலந்து கொள்வார்கள் என்று அதிகாரிகள் தெரிவித்தனர்.

ரஷ்யாவின் பசுபிக் கடற்படைக் கப்பல்தளத்திலிருந்து கடற்படைக் கப்பல்கள் பியர் 33 ஐப் பார்வையிடவும் கிம் திட்டமிட்டுள்ளார்.

வட கொரியா அதன் நிறுவப்பட்ட ஆண்டு விழாவை செப்டம்பர் 9 ஆம் திகதி கொண்டாடுகிறது."

வெள்ளை மாளிகை விடுத்த எச்சரிக்கை

புதன்கிழமை, வெள்ளை மாளிகை ஒரு எச்சரிக்கையை வெளியிட்டது, புடினும் கிம்மும் சாத்தியமான ஆயுத ஒப்பந்தம் பற்றி விவாதித்து கடிதங்களை பரிமாறிக் கொண்டனர். இரு நாடுகளுக்கும் இடையிலான இராணுவ ஒத்துழைப்பு தொடர்பான உயர்மட்ட பேச்சுவார்த்தைகள் தீவிரமாக முன்னேறி வருவதாக வெள்ளை மாளிகை செய்தித் தொடர்பாளர் ஜோன் கிர்பி தெரிவித்தார்.

இரு தலைவர்களுக்கும் இடையிலான உறவுகள் குறித்த கூடுதல் தகவல்களை வழங்க அமெரிக்க அதிகாரிகள் மறுத்துவிட்டனர்.

மிரளவைக்கும் விசித்திர தண்டனைகள் - சிக்கித்தவிக்கும் வட கொரிய மக்கள்!