மோசமடையும் சுரேஷ் சலேவின் உடல்நிலை : ஜனாதிபதிக்கு பறந்த கடிதம்
அரச புலனாய்வு சேவையின் முன்னாள் பணிப்பாளர் சுரேஷ் சலேவின் மோசமடைந்து வரும் உடல்நிலைக்கு உடனடி கவனம் செலுத்துமாறும், மனிதாபிமான அடிப்படையில் தலையிடுமாறும் உலகளாவிய இலங்கை மன்றம் ஜனாதிபதி அனுர குமார திஸநாயக்கவை வலியுறுத்தியுள்ளது.
அவர்கள் அனுப்பிய கடிதத்தில்,சுரேஷ் சலேவை நீண்டகால தடுப்புக் காவலில் வைப்பதற்குப் பதிலாக, வெளிப்படையான நீதித்துறை நடவடிக்கைகள் மூலம் அவர் மீதான விசாரணையை விரைவுபடுத்துமாறு அவர்கள் ஜனாதிபதியிடம் கேட்டுக் கொண்டுள்ளனர்.
மோசமடைந்து வரும் உடல்நிலைக்கு உடனடி கவனம்
மேலும், சுரேஷ் சலேவின் தடுப்புக்காவல் மற்றும் அவரது மோசமடைந்து வரும் உடல்நிலைக்கு உடனடி கவனம் செலுத்துமாறும், மனிதாபிமான அடிப்படையில் தலையிடுமாறும் அவர்கள் ஜனாதிபதியை வலியுறுத்துகின்றனர்.
இலங்கையின் இறையாண்மையையும் தேசியப் பாதுகாப்பையும் காப்பதற்காக, உயர் பதவியில் இருந்த இராணுவ அதிகாரியான சுரேஷ் சலே தனது வாழ்நாளின் பல பத்தாண்டுகளை அர்ப்பணித்துள்ளார் என்பதைச் சுட்டிக்காட்டி, முறையான குற்றச்சாட்டு இல்லாமல் எந்தவொரு நபரும் நீண்டகால தடுப்புக்காவலில் வைக்கப்படக்கூடாது என்று உலகளாவிய இலங்கை மன்றம் தெரிவித்துள்ளது.
துரதிஷ்டவசமான நிலை ஏற்பட்டால் நீங்களே பொறுப்பு
அதன்படி, பயங்கரவாதத் தடுப்புச் சட்டத்தின் கீழ் தடுத்து வைக்கப்பட்டுள்ள சலேவுக்கு ஏதேனும் துரதிஷ்டவசமான நிலை ஏற்பட்டால், அத்தகைய விளைவுக்கான பொறுப்பு, உத்தரவைப் பிறப்பித்த அதிகார அமைப்பான உங்கள் அலுவலகத்தையே தவிர்க்க முடியாமல் சாரும் என்று அதில் கூறப்பட்டுள்ளது.
எனவே, உலகளாவிய இலங்கை மன்றம், ஜனாதிபதிக்கு எழுதிய தனது கடிதத்தில், சுரேஷ் சலேவுக்கு மிக உயர்ந்த அளவிலான மருத்துவ வசதிகள் தடையின்றி வழங்கப்பட வேண்டும் என்றும், அவரது பாதுகாப்பு கடுமையாக உறுதி செய்யப்பட வேண்டும் என்றும் கோரிக்கை விடுத்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இப்போதும் அகதிகளாகிக் கொண்டே இருக்கிறோம்…! 17 மணி நேரம் முன்
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
