கோட்டாபய காலத்தில் இரத்து செய்யப்பட்டதிட்டம் : ஜப்பானுக்கு ஏற்பட்ட அதிர்ச்சி
முன்னாள் ஜனாதிபதி கோட்டாபய ராஜபக்சவின் (gotabaya rajapaksa)காலத்தில் LRT (இலகுரக ரயில் போக்குவரத்து) திட்டத்தை ரத்து செய்தது மிகவும் வெளிப்படைத்தன்மை இல்லாத முடிவு என்றும், அதன் பிறகு அவருக்கு ஜப்பானிலிருந்து (japan)உதவி பெறுவது கடினமான விடயமாக இருந்ததாகவும் இலங்கையில்(srilanka) இருந்து விடைபெறும் ஜப்பான் தூதர் மிசுகோஷி ஹிடேகி( Mizukoshi Hideaki) தெரிவித்தார்.
கொழும்பு ஊடகமொன்றுக்கு வழங்கிய நேர்காணலில், அவர் இதனைத் தெரிவித்தார்.இது தொடர்பாக அவர் மேலும் தெரிவிக்கையில்,
ரணில் கேட்ட மன்னிப்பு ஜப்பான் எடுத்த முடிவு
அப்போதைய ஜனாதிபதி ரணில் விக்ரமசிங்க(ranil wickremesinghe) இந்த திட்டத்தை இரத்துச் செய்தமை தொடர்பில் மன்னிப்புக் கோரியதும் ஜப்பானின் ஆதரவைக் கேட்டதும்தான் நிலைமைகள் மீளவும் நகர ஆரம்பித்தன என்றார்.
"இது மிகவும் வெளிப்படைத் தன்மையற்ற முடிவின் ஒரு பொதுவான நடைமுறை என்று நான் நினைக்கிறேன். அதை ரத்து செய்ததால் யாருக்கு லாபம் என்று தெரியவில்லை.
2019 இல் இரு நாட்டு அரசாங்கங்களாலும் ஒப்புக் கொள்ளப்பட்ட இந்தத் திட்டத்தை இலங்கை ஒருதலைப்பட்சமாக ரத்து செய்தது உண்மைதான். இது ஜப்பான் அரசு,ஜெய்க்கா(JICA) மற்றும் சம்பந்தப்பட்ட நிறுவனங்கள் உட்பட அனைத்து நிறுவனங்களையும் அதிர்ச்சிக்குள்ளாக்கியது.
சர்வதேசத்தின் தன்னம்பிக்கையை இழந்த இலங்கை
மிகவும் வருந்தத்தக்க இந்த ரத்துச் செயலின் காரணமாக, ஜப்பானில் இருந்து மாத்திரமன்றி ஏனைய வெளிநாடுகளில் இருந்தும் இலங்கை தன்னம்பிக்கையை இழந்துள்ளது என நான் கருதுகின்றேன்.
பொருளாதார நெருக்கடி காரணமாக தடைப்பட்டிருந்த 11 கடன் திட்டங்களுக்கான விநியோகத்தை மீண்டும் தொடங்க ஜப்பான் அதிகாரபூர்வமாக முடிவு செய்ததாக அவர் கூறினார். "நாங்கள் ஏற்கனவே 12.5 பில்லியன் ஜப்பானிய யென்களை வழங்கியுள்ளோம், இது செப்டம்பர் இறுதிக்குள் சுமார் 87 மில்லியன் அமெரிக்க டொலர்கள் ஆகும்," என்று அவர் கூறினார்.
இந்து சமுத்திர மூலோபாய இடத்தில் இலங்கை
வர்த்தக சூழல் குறித்து கருத்து தெரிவித்த அவர், இந்து சமுத்திரத்தில் உள்ள மூலோபாய இடத்தை கருத்தில் கொண்டு இலங்கைக்கு மிக அதிக வளர்ச்சி சாத்தியம் உள்ளது, ஆனால் நியாயமான, நம்பகமான, வெளிப்படையான வர்த்தக சூழலை உருவாக்குவதில் இலங்கைக்கு முன்னேற்றம் தேவை என்றார்.
"இது உலக வர்த்தகத்தில் 90 சதவீதத்திற்கும், இந்த பிராந்தியத்தில் 70 சதவீத பெட்ரோலிய போக்குவரத்திற்கும் மையமாக உள்ளது," என்று அவர் கூறினார்.
ஜனாதிபதி அநுரகுமார திஸாநாயக்க(anura kumara dissanayake) ஊழல் எதிர்ப்பு பிரச்சினைகளை கையாள்வதற்காக மக்களின் ஆணையுடன் தெரிவு செய்யப்பட்டதாகவும், பழைய நடைமுறைகளிலிருந்து விடுபடுவதற்கும், வர்த்தக சூழலை மேம்படுத்துவதற்கும் இலங்கைக்கு இது ஒரு முன்னோடியில்லாத சந்தர்ப்பம் என்றும் வெளியேறும் தூதுவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொழும்பு, நியூ யோர்க், United States, Montreal, Canada, Toronto, Canada
02 Jan, 2026
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
கரவெட்டி மேற்கு, டென்மார்க், Denmark, Milton Keynes, United Kingdom
10 Jan, 2021
Klang, Malaysia, யாழ்ப்பாணம், கலிஃபோர்னியா, United States
08 Jan, 2022