ஏர்பஸ் பரிவர்த்தனையில் மகிந்தவுக்கான தொடர்பு! ஐ. நா சபையில் சமர்ப்பிக்கப்படவுள்ள முக்கிய அறிக்கை

United Nations Geneva Mahinda Rajapaksa Ranil Wickremesinghe Airbus Bribery Scam

By Dharu Sep 08, 2026 07:08 AM GMT

Dharu

in சமூகம்

Report

பரவலாக விவாதிக்கப்பட்ட சிறிலங்கன் ஏர்லைன்ஸ் - ஏர்பஸ் பரிவர்த்தனை மற்றும் முன்னாள் ஜனாதிபதி மகிந்த ராஜபக்சவுடனான அதன் தொடர்பு குறித்து ஐக்கிய நாடுகள் மனித உரிமைகள் பேரவையில் இன்று சிறப்பு அறிக்கை ஒன்று சமர்ப்பிக்கப்படவுள்ளது.

மேலும், முன்னாள் ஜனாதிபதி ரணில் விக்ரமசிங்க சம்பந்தப்பட்ட பொது நிதி முறைகேடு குற்றச்சாட்டுகள் தொடர்பான விசாரணைகள் குறித்தும் இன்று சமர்ப்பிக்கப்படவுள்ள அறிக்கையில் கூறப்பட்டுள்ளது.

இது குறித்து தெரியவருகையில்,

இலங்கையின் மனித உரிமைகள் நிலைமை

இலங்கையின் மனித உரிமைகள் நிலைமை குறித்த ஐக்கிய நாடுகள் மனித உரிமைகள் உயர் ஆணையரின் அலுவலகத்தின் சமீபத்திய அறிக்கை, இன்று (08.09.2026) அன்று ஐக்கிய நாடுகள் மனித உரிமைகள் சபையில் சமர்ப்பிக்கப்பட உள்ளது.

ஏர்பஸ் பரிவர்த்தனையில் மகிந்தவுக்கான தொடர்பு! ஐ. நா சபையில் சமர்ப்பிக்கப்படவுள்ள முக்கிய அறிக்கை | Mahinda S Involvement In Airbus Deal Un Report

சுவிட்சர்லாந்தின் ஜெனீவாவில் நடைபெற்று வரும் ஐ.நா. மனித உரிமைகள் சபையின் 63வது அமர்வின் போது இந்தச் சமர்ப்பிப்பு நடைபெறவுள்ளதாக தெரிவிக்கப்படுகிறது.

நல்லிணக்கம், பொறுப்புக்கூறல் மற்றும் பரந்த மனித உரிமைகள் தொடர்பான பிரச்சினைகள் உட்பட, இலங்கையில் மனித உரிமைகள் தொடர்பான முன்னேற்றங்கள் குறித்த மிகச் சமீபத்திய மதிப்பீட்டை இந்த அறிக்கை சபைக்கு வழங்கும் என எதிர்பார்க்கப்படுகிறது.

கடந்த வாரம், ஐக்கிய நாடுகள் மனித உரிமைகள் உயர் ஆணையரின் அலுவலகம் வெளியிட்ட ஒரு முன்கூட்டிய அறிக்கை, இலங்கையின் வரலாற்றிலேயே மிக மோசமான பொருளாதார நெருக்கடியானது, ஊழல் மற்றும் மோசடியால் தூண்டப்பட்ட மனித உரிமைகள் சவால்களுக்கு வழிவகுத்தது என்று குறிப்பிட்டது.

அதன் விளைவாக, நாட்டின் வருவாயில் மிகக் குறைந்த அளவிலான பங்கு மட்டுமே சமூக நலச் செலவினங்களுக்காகக் கிடைத்துள்ளது என்றும் அந்த அறிக்கை கூறுகிறது.

மேலும், பரவலாக விவாதிக்கப்பட்ட சிறிலங்கன் ஏர்லைன்ஸ் ஏர்பஸ் பரிவர்த்தனை மற்றும் முன்னாள் ஜனாதிபதி மஹிந்த ராஜபக்ஷவுடனான அதன் தொடர்பு குறித்தும், அத்துடன் முன்னாள் ஜனாதிபதி ரணில் விக்ரமசிங்க சம்பந்தப்பட்ட பொது நிதி முறைகேடு குற்றச்சாட்டுகள் தொடர்பான விசாரணைகள் குறித்தும் அந்த அறிக்கை குறிப்பிடுகிறது.