அரசுக்கு எதிரான பேரணி : மகிந்தவின் பங்கேற்பு தொடர்பில் நாமல் வெளியிட்ட அறிவிப்பு

Mahinda Rajapaksa Namal Rajapaksa Sri Lanka Podujana Peramuna

By Jaso Nov 08, 2025 08:12 AM GMT

Jaso

in அரசியல்

Report

எதிர்வரும் 21 ஆம் திகதி நுகேகொடையில் அரசாங்கத்திற்கு எதிராக எதிர்க்கட்சி ஏற்பாடு செய்துள்ள பிரமாண்டமான எதிர்ப்பு பேரணியில் முன்னாள் ஜனாதிபதி மகிந்த ராஜபக்ச பங்கேற்க மாட்டார் என்று நாடாளுமன்ற உறுப்பினர் நாமல் ராஜபக்ச தெரிவித்துள்ளார்.

இருப்பினும், பேரணிக்கு தனது தந்தையின் முழு ஆசிர்வாதம் கிடைக்கும் என்று அவர் வலியுறுத்தினார்.

எங்களுக்குத் தெரியும்

பேரணி குறித்து ஊடகங்களிடம் பேசிய நாடாளுமன்ற உறுப்பினர் நாமல் ராஜபக்ச, தனது தந்தையின் அரசியல் மரபு மற்றும் அனுபவத்தையும் நினைவு கூர்ந்தார். “ஜனாதிபதி மகிந்த ராஜபக்ச எப்போதும் மக்களுக்காகவும் நாட்டிற்காகவும் நின்ற ஒரு தலைவர். அவரது அரசியலின் கீழ் நாங்கள் வளர்ந்து அரசியல் அனுபவத்தைப் பெற்றோம். எனவே, நாட்டை எவ்வாறு போராடி கட்டியெழுப்புவது என்பது எங்களுக்குத் தெரியும்,” என்று அவர் கூறினார்.

அரசுக்கு எதிரான பேரணி : மகிந்தவின் பங்கேற்பு தொடர்பில் நாமல் வெளியிட்ட அறிவிப்பு | Mahinda Will Not Participate Massive Protest

மகிந்த ராஜபக்ச உடல் ரீதியாக கலந்து கொள்ள மாட்டார் என்றாலும், இந்த போராட்டத்திற்கான அவரது அரசியல் ஆசிர்வாதம் அதில் சேரும் கட்சி உறுப்பினர்கள் மற்றும் அமைப்பாளர்களுக்கு பெரும் பலமாக இருக்கும் என்று அரசியல் விமர்சகர்கள் சுட்டிக்காட்டுகின்றனர்.