தனியார் வகுப்புக்குச் சென்று காணாமற்போன யுவதிகள் கண்டுபிடிப்பு
கடந்த ஒக்டோபர் மாதம் முதலாம் திகதி முதல் காணாமல் போன இரண்டு யுவதிகள் மாத்தறை பிரதேசத்தில் தங்கியிருந்த நிலையில் காவல்துறையினரால் கண்டுபிடிக்கப்பட்டுள்ளனர்.
கலகெதர காவல்துறை பிரிவுகளைச் சேர்ந்த 18 மற்றும் 19 வயதுடைய இரண்டு யுவதிகளே கண்டுபிடிக்கப்பட்டவர்களாவர்.
தனியார் வகுப்புகளுக்குச் சென்று வீடு திரும்பவில்லை
இவர்கள் இருவரும் ஒக்டோபர் 1 ஆம் திகதி தனியார் வகுப்புகளுக்குச் சென்று வீடு திரும்பவில்லை என அவர்களது பெற்றோரால் காவல்துறையில் முறைப்பாடு அளிக்கப்பட்டிருந்தது.
முறைப்பாடு அளிக்கப்பட்ட நிலையில் மாவத்தகம மற்றும் கலகெதர காவல்துறையினர் விசாரணைகளை ஆரம்பித்துள்ளனர்.
வாடகை அறையில் தங்கி கடை ஒன்றில் வேலை
இதன்படி இவர்கள் மாத்தறை உயன்வத்தை பிரதேசத்தில் வாடகை அறையில் தங்கி கடை ஒன்றில் வேலை செய்து வருவதாக தகவல் வெளியாகியுள்ளது.
இதற்கமைய மாத்தறை காவல்துறையினர் இரு யுவதிகளையும் இன்று காலை (25) கைது செய்துள்ளனர்.
மாவத்தகம மற்றும் கலகெதர காவல் நிலையத்தினூடாக குறித்த இருவரின் பெற்றோருக்கும் அறிவிக்கப்பட்டதன் பின்னர் இரு யுவதிகளும் அவர்களது பெற்றோரிடம் ஒப்படைக்கப்பட உள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
மீசாலை வடக்கு, கனகாம்பிகைக்குளம், Ross-on-Wye, United Kingdom
01 Mar, 2024
Kuala Lumpur, Malaysia, புங்குடுதீவு இறுப்பிட்டி, வேலணை மேற்கு, Markham, Canada
27 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
