சட்டவிரோத ட்ரோன் இறக்குமதி: சிஐடியின் விசாரணை வளையத்தில் சிக்கிய எம்.பி...!

CID - Sri Lanka Police Nalin Bandara Jayamaha Sri Lanka

By Shalini Balachandran Nov 09, 2026 11:44 PM GMT

Shalini Balachandran

in அரசியல்

Report

இலங்கைக்கு உரிய அனுமதியின்றி ட்ரோன்களை இறக்குமதி செய்ததாகக் கூறப்படும் நாடாளுமன்ற உறுப்பினர் நளின் பண்டார ஜயமஹ ( Nalin Bandara ) தொடர்பில் மேலதிக விசாரணைகள் முன்னெடுக்கப்படவுள்ளன.

குற்றப் புலனாய்வுத் திணைக்களம் (CID) இந்த விசாரணைகளை முன்னெடுக்கவுள்ளது.

காவல்துறை மா அதிபரின் உத்தரவின் பேரில் இந்த நடவடிக்கை எடுக்கப்பட்டுள்ளது.

அமைச்சின் அனுமதி

இதற்கிடையில் குறித்த ட்ரோன்கள் தொடர்பில் பாதுகாப்பு அமைச்சும் மதிப்பீடு ஒன்றை மேற்கொள்ளவுள்ளது.

சிங்கப்பூரிலிருந்து கட்டுநாயக்க விமான நிலையத்தை வந்தடைந்த நளின் பண்டாரவிடமிருந்து சுங்க அதிகாரிகள் 39 ட்ரோன்கள் மற்றும் 16 ஒலிவாங்கிகளைக் கைப்பற்றியுள்ளனர்.

சட்டவிரோத ட்ரோன் இறக்குமதி: சிஐடியின் விசாரணை வளையத்தில் சிக்கிய எம்.பி...! | Mp Nalin Bandara Faces Cid Drone Probe

இவற்றை நாட்டிற்குள் இறக்குமதி செய்வதற்கு இலங்கை தொலைத்தொடர்பு ஒழுங்குபடுத்தல் ஆணைக்குழு (TRCSL) மற்றும் பாதுகாப்பு அமைச்சின் அனுமதி அவசியமாகும்.

இந்த நிலையில் தேவையான அனுமதிகளைப் பெற்றுக்கொண்ட பின்னர் கைப்பற்றப்பட்ட பொருட்கள் விடுவிக்கப்படும் என சுங்க அதிகாரிகள் தெரிவித்துள்ளமை குறிப்பிடத்தக்கது.