லசந்த விக்ரமதுங்கவை கொலை செய்தவர்கள் யார் என்று எனக்கு தெரியும்! பகீர் கிளப்பிய முன்னாள் அமைச்சர்

Basil Rajapaksa Sri Lanka Rajapaksa Family

By Pavan Jan 15, 2024 04:06 AM GMT

Pavan

in அரசியல்

Report

ஊடகவியலாளர் லசந்த விக்ரமதுங்கவை கொலை செய்தது யார் என்பது எனக்கு தெரியும் எனவும் உரிய நேரம் வரும்போது அதனை பகிரங்க படுத்துவேன் என முன்னாள் அமைச்சர் மேர்வின் சில்வா தெரிவித்துள்ளார்.

செய்தியாளர்களிடம் கருத்துத் தெரிவிக்கும் போதே அவர் இவ்வாறு குறிப்பிட்டுள்ளார்.

சிங்கள தொலைக்காட்சி வலையமைப்பு மீதான தாக்குதலின் பின்னணியில் யார் இருக்கிறார்கள் என்பதும் தமக்குத் தெரியும் என்றும் கூறியுள்ளார்.

மகிந்த ராஜபக்ச

தென்னிலங்கையின் ஆங்கில பத்திரிகை ஒன்றின் செய்தி ஆசிரியராக பணியாற்றிய சிரேஷ்ட ஊடகவியலாளர் லசந்த விக்கிரமதுங்க, மகிந்த ராஜபக்ச அரசாங்கத்தை கடுமையாக விமர்சித்திருந்தார்.

அத்துடன், அப்போது பாதுகாப்புச் செயலாளராக இருந்த கோட்டாபய ராஜபக்சவுடன் சட்டப் போரில் ஈடுபட்டிருந்தார்.

லசந்த விக்ரமதுங்கவை கொலை செய்தவர்கள் யார் என்று எனக்கு தெரியும்! பகீர் கிளப்பிய முன்னாள் அமைச்சர் | Murder Of Lasantha Wickramatunga

இந்நிலையில், சிரேஷ்ட ஊடகவியலாளர் லசந்த விக்ரமதுங்க 2009 ஆம் ஆண்டு ஜனவரி 8 ஆம் திகதி படுகொலை செய்யப்பட்டார்.

கொலை செய்யப்பட முன்னர், தனது காரிலிருந்த குறிப்பு புத்தகத்தில் தன்னை பின்தொடரும் மோட்டார் சைக்கிளின் இலக்கத்தை, லசந்த விக்ரமதுங்க எழுதியிருந்ததாக மேலதிக விசாரணைகளின் போது தெரியவந்தது.

இது முதலில் விபத்து என்று கூறப்பட்டது, எனினும், பின்னர் மேற்கொள்ளப்பட்ட விசாரணையில் அது கொலையென தெரியவந்தது என குறிப்பிட்டுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்