நாமலின் எயார்பஸ் வழக்கு : நீதிமன்றின் அதிரடி உத்தரவு
புதிய இணைப்பு
எயார்பஸ் வழக்கு தொடர்பான குற்றச்சாட்டுகளுக்கு உள்ளான நாடாளுமன்ற உறுப்பினர் நாமல் ராஜபக்சவை, நவம்பர் 19 அன்று சிறைச்சாலை அதிகாரிகள் மூலம் நீதிமன்றத்தில் முன்னிலைப்படுத்துமாறு கொழும்பு நிரந்தர சட்ட விசாரணை நீதிமன்றம் இன்று உத்தரவிட்டது.
குற்றம் சாட்டப்பட்டவரான நாமல் ராஜபக்ச, இன்று கொழும்பு நிரந்தர சட்ட விசாரணை நீதிமன்றத்தில் முன்னிலைப்படுத்தப்பட்டார்.
இதனைத் தொடர்ந்து, மூன்று நீதிபதிகள் கொண்ட அமர்வு, இவ்வழக்கை நவம்பர் 19 அன்று மீண்டும் அழைக்குமாறு உத்தரவிட்டது.
அத்துடன், அந்நாளில் ராஜபக்ச சிறைச்சாலை அதிகாரிகள் மூலம் நீதிமன்றத்தில் முன்னிலைப்படுத்தப்படுவதை உறுதி செய்யுமாறு சம்பந்தப்பட்ட அதிகாரிகளுக்கும் உத்தரவிட்டது.
முதல் இணைப்பு
ரூ. 100 மில்லியன் இலஞ்சம் பெற்றது உள்ளிட்ட குற்றச்சாட்டுகளின் பேரில் தற்போது விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்ச, இன்று (28) கொழும்பு நிரந்தர மேல் நீதிமன்றத்தின் விசாரணை அமர்வில் முன்னிலைப்படுத்தப்படவுள்ளார்.
இதற்கிடையில், கிரிஷ் பரிவர்த்தனை தொடர்பாக நாமல் ராஜபக்சவின் பிணை மனு மீதான பரிசீலனை, இன்று கொழும்பு பிரதான நீதவான் நீதிமன்றத்தில் நடைபெறவுள்ளது.
நேற்று குற்றப்பத்திரிகை தாக்கல்
எயார்பஸ் ஒப்பந்தம் தொடர்பாக, நாடாளுமன்ற உறுப்பினர் நாமல் ராஜபக்ச மற்றும் பல பிரதிவாதிகளுக்கு எதிராக நிரந்தர நீதிமன்ற விசாரணையில் குற்றப்பத் பத்திரிக்கை தாக்கல் செய்யப்பட்டுள்ளதாக, இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழு (CIABOC) நேற்று (27) கொழும்பு நீதவான் நீதிமன்றத்தில் தெரிவித்துள்ளது.
இலஞ்ச ஆணைக்குழுவின் சார்பில் முன்னிலையான பிரதி சொலிசிட்டர் ஜெனரல் ஜனக பண்டார, பிரதிவாதிகளுக்கு எதிரான 24 குற்றச்சாட்டுகளை இக் குற்றப்பத்திரிகைகள் உள்ளடக்கியுள்ளதாக நீதிமன்றத்தில் தெரிவித்திருந்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
