தேசிய இளைஞர் சேவை மன்றத்தின் முன்னாள் தலைவர் அதிரடி கைது
தேசிய இளைஞர் சேவை மன்றத்தின் முன்னாள் தலைவரான (பணிப்பாளர் நாயகம்) லலித் பியூம் பெரேரா கைது செய்யப்பட்டுள்ளதாக தகவல் வெளியாகியுள்ளது.
இலஞ்ச ஊழல் விசாரணை ஆணைக்குழுவால் இன்று (28) அவர் கைது செய்யப்பட்டுள்ளதாக தெரிவிக்கப்படுகின்றது.
அம்பாறை, சாமபுர பகுதியில் அமைந்துள்ள காணி மற்றும் அங்குள்ள கட்டிடங்கள் அரசுக்குச் சொந்தமானவை எனக்கூறி, இடைக்காலக் குத்தகை ஒப்பந்தங்களைத் தயாரித்து, அதைத் தேசிய இளைஞர் சேவை மன்றத்திற்கு குத்தகை அடிப்படையில் பெற்றுக்கொடுத்துள்ளதாக இவர் மீது குற்றம் சாட்டப்பட்டுள்ளது.
நீதிமன்றத்தில் முன்னிலை
இதற்காக மூன்றாம் தரப்பினருக்கு முறையற்ற மற்றும் சட்டவிரோதமான முறையில் இளைஞர் சேவை மன்றத்தின் நிதியிலிருந்து 38 இலட்சம் ரூபாய் வழங்கப்பட்டுள்ளதாக குறிப்பிடப்பட்டுள்ளது.
அத்துடன் பணிப்பாளர் சபையின் முறையான அனுமதியின்றி அக்கட்டிடத்தைச் புனரமைப்பு செய்வதற்காக இளைஞர் சேவை மன்றத்தின் நிதியிலிருந்து 13 இலட்சம் ரூபாய் செலுத்தப்பட்டுள்ளதாகவும் தெரிவிக்கப்படுகிறது.
இவ்வாறு முறையற்ற வகையில் பணம் செலுத்துவதற்கு வழிவகுத்ததன் மூலம் அரசாங்கத்திற்கு 51 இலட்சம் ரூபாய் இழப்பை ஏற்படுத்திய குற்றச்சாட்டுகளின் பேரில் அவர் கைது செய்யப்பட்டுள்ளார்.
இந்தநிலையில் கைது செய்யப்பட்ட சந்தேகநபர் இன்று கொழும்பு பிரதான நீதவான் நீதிமன்றத்தில் முன்னிலைப்படுத்தப்படவுள்ளதாக தெரிவிக்கப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026