இலங்கையில் ஒன்றரை மாத குழந்தையை பலியெடுத்தது புதிய வகை கொவிட் தொற்று
ஆசிய பிராந்தியத்தில் தற்போது பரவி வரும் கொவிட்(covid) மாறுபாடு இலங்கையில்(sri lanka) அடையாளம் காணப்பட்டுள்ளதாக மருத்துவ ஆராய்ச்சி நிறுவனம் தெரிவித்துள்ளது.
அத்துடன் அண்மையில் காலி மருத்துவமனையில் உயிரிழந்த ஒன்றரை மாத குழந்தை கொவிட் தொற்றால் பாதிக்கப்பட்டுள்ளமை உறுதிப்படுத்தப்பட்டுள்ளது.
ஓமிக்ரோன் வைரஸ் துணை திரிபுகளான LF.7 மற்றும் XFG ஆகியவற்றால் பாதிக்கப்பட்ட நோயாளிகள் இலங்கையில் இனங்காணப்பட்டுள்ளதாக மருத்துவ ஆராய்ச்சி நிறுவனத்தின் வைரஸ் நோய்களுக்கான நிபுணர் ஜூட் ஜெயமஹா தெரிவித்துள்ளார்.
ஆராய்ச்சியின் மூலம் உறுதிப்படுத்தப்பட்டுள்ளது
நாட்டில் உள்ள பல மருத்துவமனைகளில் இருந்து பெறப்பட்ட உயிரியல் மாதிரிகள் குறித்து மருத்துவ ஆராய்ச்சி நிறுவனம் நடத்திய ஆராய்ச்சியின் மூலம் இது உறுதிப்படுத்தப்பட்டுள்ளது என்று மருத்துவ நிபுணர் ஜூட் ஜெயமஹா கூறினார்.
இருப்பினும், இந்த கொவிட் துணை வகைகள் குறித்து தேவையற்ற பயம் இருக்கக்கூடாது என்று அவர் வலியுறுத்தினார்.
யார் முக கவசம் அணிய வேண்டும்
கர்ப்பிணித் தாய்மார்கள், முதியவர்கள் மற்றும் நாள்பட்ட நோயாளிகள், பாதிக்கப்படக்கூடியவர்களாக அடையாளம் காணப்பட்டவர்கள், முகமூடி அணிவது மற்றும் நெரிசலான இடங்களைத் தவிர்ப்பது போன்ற சுகாதார நடைமுறைகளைப் பின்பற்றுவது முக்கியம் என்றும் சுகாதார அதிகாரிகள் சுட்டிக்காட்டியுள்ளனர்.
கொவிட் வைரஸின் புதிய வகைகள் அவ்வப்போது பரவுகின்றன, மேலும் சுகாதார அதிகாரிகள் இதை தொடர்ந்து கண்காணித்து வருகின்றனர், எனவே தேவையற்ற பயம் தேவையில்லை என்று சிறப்பு மருத்துவர் ஜூட் ஜெயமஹா கூறினார்.
உயிரிழந்த ஒன்றரை மாத குழந்தை
இதற்கிடையில், காலி தேசிய மருத்துவமனையில் சமீபத்தில் இறந்த ஒன்றரை மாத குழந்தையும் கொவிட் நோயால் பாதிக்கப்பட்டுள்ளதாக அடையாளம் காணப்பட்டுள்ளது.
குழந்தையின் உயிரியல் மாதிரியை பரிசோதனைக்காக கொழும்பு மருத்துவ ஆராய்ச்சி நிறுவனத்திற்கு அனுப்பிய பின்னர் இது உறுதிப்படுத்தப்பட்டதாக மருத்துவமனை பணிப்பாளர் தெரிவித்தார்.
எனினும் ஆசியாவில் தற்போது பரவி வரும் புதிய திரிபாக இந்த வைரஸ் அடையாளம் காணப்படவில்லை எனவும் அவர் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Luton, United Kingdom, Toddington, United Kingdom, Milton Keynes, United Kingdom
02 Jun, 2022
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வதிரி, Toronto, Canada, Vancouver, Canada, Montreal, Canada
29 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015