இலங்கை கிரிக்கெட் அணிக்கு எதிராக நியூசிலாந்து அணி படைத்த சாதனை!
Pakirathan
in கிரிக்கெட்
சுற்றுலா இலங்கை மற்றும் நியூசிலாந்து அணிகளுக்கு இடையிலான மூன்று போட்டிகளைக் கொண்ட சர்வதேச ஒருநாள் கிரிக்கெட் தொடரின் முதல் போட்டி தற்போது நிறைவடைந்துள்ளது.
இந்த போட்டியில் நியூசிலாந்து அணி 198 ஓட்டங்களால் மிகப்பெரிய வெற்றியை பெற்றுள்ளது.
இலங்கைக்கு எதிரான ஒருநாள் சர்வதேச போட்டியில் நியூசிலாந்து அணி பெற்ற வெற்றியானது சாதனையாக மாறியுள்ளது.
நியூசிலாந்து சாதனை
இன்றைய தினம் இடம்பெற்ற போட்டியில் முதலில் துடுப்பெடுத்தாடிய நியூசிலாந்து அணி 49.3 ஓவர்களில் சகல விக்கட்டுகளையும் இழந்து 274 ஓட்டங்களைப் பெற்றது.
நிர்ணயிக்கப்பட்ட 275 எனும் இலக்கினை நோக்கி களமிறங்கிய இலங்கை அணி நியூசிலாந்து அணியின் பந்து வீச்சினை சமாளிக்க முடியாமல் 19.5 ஓவர்கள் நிறைவில் சகல விக்கட்டுகளையும் இழந்து 76 ஓட்டங்களை மாத்திரமே பெற்றது.
இதன்மூலம் நியூசிலாந்து அணி 198 ஓட்டங்களால் இமாலய வெற்றியினை பெற்றது.
இந்த வெற்றியின் மூலம், இலங்கை அணிக்கு எதிராக பெறப்பட்ட மிகப்பெரிய ஓட்ட வித்தியாச வெற்றி எனும் சாதனையை நியூசிலாந்து கிரிக்கெட் அணி நிகழ்த்தியுள்ளது.
இதற்கு முன்னர், இலங்கைக்கு எதிராக 115 ஓட்டங்கள் எனும் வித்தியாசத்தில் நியூசிலாந்து அணி பெற்ற வெற்றியே சாதனையாக இருந்தது, இதுவே தற்போது முறியடிக்கப்பட்டுள்ளது.
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
உடுவில் தெற்கு, Stuttgart, Germany, Scarborough, Canada
10 Jun, 2025
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
