petrol விலையை 5 ரூபாவால் குறைக்கலாம்..! தடுமாறும் அரசு; வலுக்கும் சந்தேகம்
தற்போதைய சந்தை நிலவரத்தைப் பொறுத்து, பெட்ரோல் விலையை லீட்டருக்கு ஐந்து ரூபா வரையிலும், டீசல் விலையை லீட்டருக்கு ஆறு ரூபா வரையிலும் குறைக்க வாய்ப்புள்ளது என்று தொழிற்சங்கப் பிரமுகர் ஆனந்த பாலித வலியுறுத்தியுள்ளார்.
கடந்த ஏப்ரல் மாதத்தில் தேவையற்ற முறையில் மேற்கொள்ளப்பட்ட பாரியளவிலான எரிபொருள் கொள்வனவு தொடர்பில் முறையான விசாரணை மேற்கொள்ளப்பட வேண்டும் என்று ஹர்ஷ டி சில்வா எம்.பி. வலியுறுத்தியுள்ளார்.
உலக சந்தையில் மசகு எண்ணெய் விலை வீழ்ச்சியடைந்துள்ள போதிலும், உள்நாட்டில் எரிபொருள் விலையில் எவ்வித மாற்றத்தையும் எதிர்பார்க்க முடியாது என அரசாங்கம் தொடர்ந்து தெரிவித்து வருவது நாட்டின் பலதரப்பட்ட தரப்பினராலும் விமர்சனத்திற்கு உள்ளாகி வருகின்றது.
நிறுவனங்களின் அழுத்தம்
அதிலும் கையிருப்பில் இருப்பது அதிக விலைக்கு வாங்கப்பட்ட பழைய கையிருப்புகளே என்பதால் விலையைக் குறைக்க முடியாது என்றும் அவ்வாறு குறைப்பதற்கு இது ஒரு எரிபொருள் விற்பனைக் கடை அல்ல என்றும், பிரதமர் கூறுவதாக ஆனந்த பாலித குறிப்பிட்ட விடயம் சமூக ஊடங்களில் பெரும் பேசுபொருளானது.
இந்நிலையில், இலங்கையில் எரிபொருள் விநியோகத்தில் ஈடுபட்டுள்ள நிறுவனங்களின் அழுத்தம் காரணமாகவே எரிபொருள் விலை குறைக்கப்படுவதில் தடையேற்பட்டுள்ளதாக தொழிற்சங்கப் பிரமுகர் ஆனந்த பாலித குற்றம் சாட்டியுள்ளார்.
இந்த நாட்டில் எரிபொருள் வர்த்தகத்தில் ஈடுபட்டுள்ள தனியார் நிறுவனங்கள், எரிபொருள் விலையைக் குறைக்க வேண்டாம் என அரசிடம் தெரிவித்துள்ளன.
அரசாங்கம் வாக்குறுதியளித்த சலுகைகளையோ அல்லது நிவாரணங்களையோ இன்னும் வழங்காததாலேயே இந்த நிறுவனங்கள் அவ்வாறு வலியுறுத்தியுள்ளன என்று குற்றம் சாட்டியுள்ளார்.
மேலும், தற்போதைய சந்தை நிலவரத்தைப் பொறுத்து, பெட்ரோல் விலையை லீட்டருக்கு ஐந்து ரூபா வரையிலும், டீசல் விலையை லீட்டருக்கு ஆறு ரூபா வரையிலும் குறைக்க வாய்ப்புள்ளது என்றும் ஆனந்த பாலித வலியுறுத்தியுள்ளார்.
மசகு எண்ணெய் விலை
உலக சந்தையில் மசகு எண்ணெய் விலை வீழ்ச்சியடைந்துள்ள போதிலும், உள்நாட்டில் எரிபொருள் விலையில் எவ்வித மாற்றத்தையும் எதிர்பார்க்க முடியாது என இலங்கை கனிமவள கூட்டுத்தாபனம் தெரிவித்துள்ளது.
உலக சந்தையில் மசகு எண்ணெய் விலை குறைந்ததன் நன்மையை நுகர்வோருக்கு வழங்கும் வகையில் பாகிஸ்தான் மற்றும் மலேசியா ஆகிய நாடுகள் ஏற்கனவே எரிபொருள் விலையை குறைப்பதற்கு நடவடிக்கை எடுத்துள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
