மீண்டும் ஏவுகணை சோதனை நடத்தியது வடகொரியா -அமெரிக்காவிற்கு பதிலடி
தென்கொரியாவுடன் இணைந்து கூட்டுப்போர்பயிற்சியில் அமெரிக்கா ஈடுபட்டு வரும் நிலையில் அதற்கு சவால் விடும் வகையில் வட கொரியா மீண்டும் ஏவுகணை சோதனைகளை நடத்தியுள்ளது.
வடகொரியா கிழக்கு கடற்கரையில் இருந்து 2 குறுகிய தூர பாலிஸ்டிக் ஏவுகணைகளை கடலில் செலுத்தி சோதனை நடத்தியிருப்பதாக ஜப்பான் தெரிவித்துள்ளது.
அதிகாலைவேளை சம்பவம்
இதுகுறித்து ஜப்பான் பாதுகாப்பு அமைச்சர் யாசுகாசு யமடா கூறுகையில், "நேற்று அதிகாலை 3½ மணி அளவில் வடகொரிய இராணுவம் 2 குறுகிய தூர பாலிஸ்டிக் ஏவுகணைகளை பியாங்காங்கில் இருந்து சோதித்தது. அவை 550 கி.மீ தூரம் தள்ளி கொரிய தீபகற்ப கடலில் விழுந்தது.
மேலும் அவை அணு ஆயுதங்கள் தாங்கி செல்லும் வல்லைமை படைத்தவை என கருதப்படுகிறது" என்றார்.
அமெரிக்க கூட்டு பயிற்சிக்கு பதிலடி
அமெரிக்க படைகளுடன் இணைந்து தென் கொரியா போர் பயிற்சி மேற்கொண்டு வருகிறது. மேலும் தென் கொரியாவுக்கு ஆதரவாக அணு ஆயுதம் தாங்கிய போர் கப்பல் ஒன்றை தென்கொரிய துறைமுக நகரமான புசானில் அமெரிக்கா நிறுத்தியுள்ளது. இதற்கு பதிலடி கொடுக்கும் வகையில் வட கொரியா ஏவுகணை சோதனை நடத்தியிருக்கலாம் என கருதப்படுகிறது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
