மத்திய வங்கியின் அதிரடி நடவடிக்கை - தடை செய்யப்பட்ட நிறுவனங்கள்
இலங்கையில் தடை செய்யப்பட்ட பிரமிட் திட்டத்தில் ஈடுபடும் நிறுவனங்களை உள்ளடக்கிய புதிய பட்டியலை இலங்கை மத்திய வங்கி வெளியிட்டுள்ளது.
இந்த நிறுவனங்களில் எவ்வித முதலீடுகளையும் செய்வதற்கு முன்னர் மிகுந்த விழிப்புடன் இருக்குமாறும் மத்திய வங்கி பொதுமக்களை அறிவுறுத்தியுள்ளது.
இந்த விடயம் மத்திய வங்கி நேற்று (5) வெளியிடப்பட்ட விசேட அறிக்கையில் தெரிவிக்கப்பட்டுள்ளது.
சட்டபூர்வமான தன்மை
1988 ஆம் ஆண்டின் 30 ஆம் இலக்க வங்கிச் சட்டத்தின் (திருத்தப்பட்ட) 83(C) பிரிவின் கீழ் மேற்கொள்ளப்பட்ட விசாரணைகளின் அடிப்படையில் இந்தத் தீர்மானம் எடுக்கப்பட்டுள்ளது.
ஆட்களைச் சேர்க்கும் அடிப்படையிலான திட்டங்கள் அல்லது நடைமுறைக்குச் சாத்தியமற்ற அதீத இலாபத்தை வழங்கும் திட்டங்களில் பணத்தை முதலீடு செய்வதைத் தவிர்க்குமாறும், இது தொடர்பில் மிகுந்த விழிப்புடன் இருக்குமாறும் இலங்கை மத்திய வங்கி பொதுமக்களை அறிவுறுத்தியுள்ளது.
எதிர்காலத்தில் ஏற்படக்கூடிய நிதி இழப்புகளைத் தவிர்ப்பதற்காக, எவ்வித முதலீடுகளையும் செய்வதற்கு முன்னர் குறித்த முதலீட்டு வாய்ப்புகளின் நம்பகத்தன்மை மற்றும் சட்டபூர்வமான தன்மையைப் பொதுமக்கள் கட்டாயம் உறுதிப்படுத்திக் கொள்ள வேண்டும் எனவும் இலங்கை மத்திய வங்கி குறிப்பிட்டுள்ளது.
சட்டவிரோத நிறுவனங்கள்
தடைசெய்யப்பட்ட பிரமிட் திட்டத்துடன் தொடர்புடைய சட்டவிரோத நிறுவனங்கள் தொடர்பான பட்டியல் பின்வருமாறு, Tiens Lanka Health Care (Pvt) Ltd Best Life International (Pvt) Ltd Mark – Wo International (Pvt) Ltd V M L International (Pvt) Ltd
Global Lifestyle Lanka (Pvt) Ltd Fast3Cycle International (Pvt) Ltd Sport Chain App and Sport Chain ZS Society Sri Lanka OnmaxDT MTFE App, MTFE SL Group,
MTFE Success Lanka and MTFE DSCC Group Fastwin (Pvt) Ltd Fruugo Oline App / Fruugo Oline (Pvt) Ltd Ride to Three Freedom (Pvt) Ltd Qnet / Questnet Era Miracle (Pvt) Ltd and Genesis Business School Ledger Block Isimaga International (Pvt) Ltd
Beecoin App and Sunbird Foundation Windex Trading The Enrich Life (Pvt) Ltd Smart Win Entrepreneur (Pvt) Ltd
Net Fore International (Pvt) Ltd / Netrrix Pro Care (Pvt) Ltd and Shade of Procare (Pvt) Ltd SGO / sgomine.com I.C.A.N. Advertising (Pvt) Ltd and its affiliated platforms Infinity Rover (Pvt) Ltd TM App
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
